پنجاب حکومت عوام کی خدمت کا کام جاری رکھے ہوئے ہے،صوبائی وزیرصہیب احمد

ہفتہ 19 جولائی 2025 23:50

لاہور (اُردو پوائنٹ اخبارتازہ ترین - اے پی پی۔ 19 جولائی2025ء) وزیر اعلی پنجاب مریم نواز کی ہدایت پر محکمہ سی اینڈ ڈبلیو نے صوبے کے پانچ مقامات پر عارضی کشتی و سٹیل پل بنانے کا کام شروع اور ازمان روڑ راجن پور پر عارضی پل قائم کر دیا گیا ہے۔

(جاری ہے)

صوبائی وزیر تعمیرات ملک صہیب احمد نے کہا ہے کہ داجل راجن پور کے مقام پر بھی عارضی کشتی پل قائم کر دیا گیا اور چکوال سوہاوہ روڑ پر عارضی پل بنانے کا کام جاری ہے ،انٹرچینج جہلم پر بھی عارضی پل بنانے کا کام جاری ہے ،انہوں نے مزید کہا کہ حاجی پور راجن پور میں بھی عارضی پل بنانے کا کام جاری ہے، انہوں نے بتایا کہ عارضی پلوں کی مدد سے زمینی رابطہ کو برقرار کیا جا رہا ہے تاکہ عوام الناس کی آمد و رفت کا سلسلہ بھی جاری رہے،انہوں نے کہا کہ عارضی پلوں سے چھوٹی ٹریفک کو گزارا جا رہا ہے، صوبائی وزیر تعمیرات و مواصلات نے کہا کہ پنجاب حکومت عوام کی خدمت کا کام جاری رکھے ہوئے ہے۔