منشیات میں ملوث 126 ملزمان گرفتار، مقدمات درج،ترجمان پولیس

اتوار 20 جولائی 2025 13:00

لاہور (اُردو پوائنٹ اخبارتازہ ترین - اے پی پی۔ 20 جولائی2025ء) آئی جی پنجاب کی ہدایت پر صوبہ بھر میں پنجاب پولیس کے انسداد منشیات آپریشنز جاری ہیں ترجمان پولیس کے مطابق گذشتہ 24 گھنٹوں کے دوران صوبہ بھر میں منشیات فروشوں کے ٹھکانوں پر 233 چھاپے مارے گئے جس کے نتیجے میں منشیات کے دھندے میں ملوث 126 ملزمان گرفتارکرلیے گئے۔

(جاری ہے)

مقدمات درج کئے گئے ملزمان کے قبضہ سے 53 کلو گرام چرس، 11 کلو گرام ہیروئن برآمد، 06 کلو گرام آئس، 1277 لٹر شراب بھی برآمد کی گئی ۔

آئی جی پنجاب ڈاکٹر عثمان انور کی ہدایت پر منشیات ڈیلرز و سمگلرز کے خلاف سپیشل آپریشنز میں مزید تیزی کا حکم دیا ہے اور سپلائی میں ملوث ملزمان کو قانون کی گرفت میں لا کر سخت کارروائی عمل میں لائی جائے گی ۔ انہوں نے کہاکہ تعلیمی اداروں اور ہاسٹلز کے گردونواح میں منشیات فروشی میں ملوث افراد کے خلاف کاروائیوں میں تیزی لائی جائے۔