عدالت نے کمسن لڑکی سے شادی کرنے کے مقدمے میں ملزم کی عبوری ضمانت منسوخ کردی ،لڑکی کو شیلٹر ہوم بھیج دیاجبکہ ملزم کمرہ عدالت سے فرار

پیر 21 جولائی 2025 16:45

کراچی(اُردو پوائنٹ اخبارتازہ ترین - این این آئی۔ 21 جولائی2025ء)ایڈیشنل ڈسٹرکٹ اینڈ سیشن جج ویسٹ کی عدالت نے کمسن لڑکی سے شادی کرنے کے مقدمے میں ملزم کی عبوری ضمانت منسوخ کردی اورلڑکی کو شیلٹر ہوم بھیج دیاجبکہ ملزم کمرہ عدالت سے فرارہوگیا۔پیرکوایڈیشنل ڈسٹرکٹ اینڈ سیشن جج ویسٹ کی عدالت میں کمسن لڑکی سے شادی کرنے کے مقدمے میں ملزم کی درخواست کی سماعت ہوئی۔

عدالت نے ملزم ذیشان کی عبوری ضمانت منسوخ کردی۔

(جاری ہے)

عدالتی فیصلہ سنتے ہیں ملزم کمرہ عدالت سے فرار ہوگیا۔ مدعی کے وکیل منہاز ایڈووکیٹ کے مطابق ملزم نے پانچویں کلاس کی بچی سے شادی کی۔ ملزم کیخلاف سندھ چائلڈ میرج ایکٹ کے تحت مقدمہ درج ہوا۔ عمر کا تعین کرنے کے لیے ٹیسٹ کروایا تو اس کے مطابق بھی یہی عمر ہے۔ عدالت نے تمام دلائل کو مدنظر رکھتے ہوئے ملزم ذیشان کی عبوری ضمانت منسوخ کردی۔ عدالت نے لڑکی کو شیلٹر ہوم بھیج دیا۔ ملزم کیخلاف تھانہ مومن آباد میں مقدمہ درج کیا گیا تھا۔