موباڈالہ سٹی ڈی سی اوپن ٹینس،ڈین ایوانز اور کیمرون نوری مینز سنگلز دوسرے رائونڈ میں داخل

منگل 22 جولائی 2025 16:44

واشنگٹن (اُردو پوائنٹ اخبارتازہ ترین - اے پی پی۔ 22 جولائی2025ء) انگلینڈ کے نامور ٹینس سٹار ڈین ایوانز اور انگلینڈ کے ہی کیمرون نوری اے ٹی پی موباڈالہ سٹی ڈی سی اوپن ٹینس ٹورنامنٹ میں مردوں کے سنگلز مقابلوں کا فاتحانہ آغاز کرتے ہوئے دوسرے رائونڈ میں پہنچ گئے۔ڈین ایوانزنے مینز سنگلز کے ابتدائی رائونڈ میں بیلجیئم کے حریف کھلاڑی زیزو برگس کو شکست دی جبکہ کیمرون نوری نے ہم وطن حریف کھلاڑی بلی ہیرس کو شکست دے کر دوسرے رائونڈ کے لئے کوالیفائی کیا۔

(جاری ہے)

موباڈالہ سٹی ڈی سی اوپن ٹینس ٹورنامنٹ کا 56واں ایڈیشن امریکا میں جاری ہے جس میں شائقین ٹینس کو دلچسپ اور کانٹے دار مقابلے دیکھنے کو مل رہے ہیں۔ انگلینڈ کے نامور ٹینس سٹار ڈین ایوانز نے عمدہ کھیل پیش کرتے ہوئے بیلجیئم کے حریف کھلاڑی زیزو برگس کو 6-3، 4-6 اور 3-6سے شکست دے کر نہ صرف ایونٹ کا فاتحانہ آغاز کر دیا بلکہ دوسرے رائونڈ کے لئے کوالیفائی کیا۔ ایک اور میچ میں انگلینڈ کے کیمرون نوری نے مینز سنگلز مقابلوں کے پہلے رائونڈ میچ میں شاندار کارکردگی کا مظاہرہ کرتے ہوئے ہم وطن حریف کھلاڑی بلی ہیرس کو ٹائی بریک پر سٹریٹ سیٹس میں 3-6 اور 6-7(4-7) سے شکست دے کر دوسرے رائونڈ کے لئے کوالیفائی کیا۔\932