پاکستان اپنی ٹی ٹوئنٹی کی تاریخ کی سب سے شرمناک شکست کے دہانے پر

بنگلہ دیش کی جانب سے دیے گئے 134 رنز کے ہدف کے تعاقب میں نصف سینچری سے قبل ہی پاکستان کی 7 وکٹیں گر گئیں

محمد علی منگل 22 جولائی 2025 20:08

ڈھاکہ (اُردو پوائنٹ اخبارتازہ ترین۔ 22 جولائی2025ء) پاکستان اپنی ٹی ٹوئنٹی کی تاریخ کی سب سے شرمناک شکست کے دہانے پر، بنگلہ دیش کی جانب سے دیے گئے 134 رنز کے ہدف کے تعاقب میں نصف سینچری سے قبل ہی پاکستان کی 7 وکٹیں گر گئیں، 12 ویں اوور تک 48 رنز پر پاکستان کی 7 وکٹیں گر چکیں۔ میرپور کے شیر بنگلا کرکٹ سٹیڈیم میں ہونیوالے ٹی 20 سیریز کے دوسرے میچ میں پاکستان کرکٹ ٹیم کے کپتان سلمان آغا نے ٹاس جیت کر میزبان ٹیم کے کپتان کو پہلے بیٹنگ کی دعوت دی۔

پہلے بیٹنگ کرتے ہوئے میزبان ٹیم مقررہ 20 اوورز میں 133 رنز بناسکی، ذاکر علی 55 رنز کیساتھ نمایاں رہے، مہدی حسن 33، پرویز حسین ایمان 13، رشاد حسین 8، کپتان لٹن داس 8، تنظیم حسین ثاقب 7، محمد نعیم 3، شریف الاسلام 1، شمیم حسین 1 اور توحید ہردوئے 0 کے انفرادی اسکور پر آؤٹ ہوئے۔

(جاری ہے)

پاکستان کی جانب سے سلمان مرزا، ڈیبیو کرنے والے احمد دانیال اور عباس آفریدی نے 2، 2 وکٹیں حاصل کیں۔

محمد نواز اور فہیم اشرف نے 1، 1 کھلاڑی کو آؤٹ کیا۔ پاکستان کو بنگال ٹائیگرز کے ہاتھوں تاریخی رسوائی سے بچنے کیلیے آج کے میچ میں لازمی فتح درکار ہے۔ واضح رہے کہ میزبان ٹیم نے پہلے ٹی ٹوئنٹی میں پاکستان کو 7وکٹوں سے شکست دی تھی، بنگلا دیش نے 111 رنز کا ہدف 3 وکٹوں کے نقصان پر حاصل کیا تھا، بنگلا دیش کو 3 میچوں کی سیریز میں ایک صفر کی برتری حاصل ہے۔