ویسٹ انڈیز اور آسٹریلیا کی کرکٹ ٹیموں کے درمیان دوسرا ٹی ٹونٹی میچ (کل )کھیلا جائے گا

منگل 22 جولائی 2025 20:17

جمیکا(اُردو پوائنٹ اخبارتازہ ترین - این این آئی۔ 22 جولائی2025ء)ویسٹ انڈیز اور آسٹریلیا کی کرکٹ ٹیموں کے درمیان پانچ ٹی ٹونٹی میچوں پر مشتمل سیریز کا دوسرا میچ (کل)بدھ کوسبینا پارک، کنگسٹن، جمیکا میں کھیلا جائیگا،آسٹریلیا کی مردوں کی قومی کرکٹ ٹیم ویسٹ انڈیز کے دورہ پر ہے جہاں وہ میزبان ٹیم کے خلاف 3 ٹیسٹ اور 5 ٹی ٹونٹی بین الاقوامی میچوں کی سیریز کھیلے گی۔

(جاری ہے)

تین ٹیسٹ میچوں کی سیریز کھیلی جا چکی ہے جس میں مہمان آسٹریلوی ٹیم نے میزبان ویسٹ انڈیز ٹیم کے خلاف 0-3 سے کلین سویپ کیا تھا۔ٹی ٹونٹی سیریز کا ایک میچ کھیلا جا چکا ہے جو آسٹریلوی ٹیم نے 3 وکٹوں سے جیت لیا تھایوں مہمان کینگروز ٹیم کو ٹی ٹونٹی سیریز میں 0-1 کی برتری حاصل ہوچکی ہے۔ دونوں ٹیموں کے درمیان دوسرا ٹی ٹونٹی میچ 23 جولائی کو جمیکا،تیسرا ٹی ٹونٹی میچ 26 جولائی کو سینٹ کٹس ،چوتھاٹی ٹونٹی میچ 27 جولائی کو سینٹ کٹس جبکہ پانچواں اور آخری ٹی ٹونٹی میچ 29 جولائی کو سینٹ کٹس کے مقام پر ہی کھیلا جائے گا۔