لارڈز ٹیسٹ،ہیری بروک نے تلخی کا ذمہ دار بھارت کو قرار دے دیا

بھارتی کھلاڑیوں نے زیک کرولی اور بین ڈکٹ کو اکسا کر ماحول خراب کیا، انگلش بیٹر

منگل 22 جولائی 2025 20:01

لارڈز ٹیسٹ،ہیری بروک نے تلخی کا ذمہ دار بھارت کو قرار دے دیا

لارڈز(اُردو پوائنٹ اخبارتازہ ترین - این این آئی۔ 22 جولائی2025ء)انگلش بیٹر ہیری بروک نے لارڈز ٹیسٹ میں پیش آنے والے تلخ واقعات کا ذمہ دار بھارت کو قرار دیدیا۔ایک انٹرویومیںہیری بروک نے بتایاکہ انگلینڈ نے ہمیشہ کھیل کی روح کے تحت میچ جاری رکھنا چاہا مگر بھارتی کھلاڑیوں نے تیسری اننگز کے اختتام پر زیک کرولی اور بین ڈکٹ کو اکسا کر ماحول خراب کیا۔

(جاری ہے)

بروک نے کہا کہ جسپریت بمراہ کا آخری اوور ماحول کی خرابی کا آغاز تھا، بمراہ شبمن گِل اور سراج نے کرولی پر وقت ضائع کرنے کا الزام لگایا۔ اس دوران بھارتی کپتان نے ڈکٹ سے بھی الجھنے کی کوشش کی تھی۔یاد رہے کہ لارڈز ٹیسٹ میں بھارتی کپتان شبمن گل اور زیک کرولی کے درمیان گرما گرمی سے ماحول کچھ دیر کے لیے تلخ ہوگیا تھا۔شبمن گل نے زیک کرولی سے زور دار الفاظ میں جواب مانگا، دونوں نے ایک دوسرے کو انگلی دکھائی جبکہ ڈکٹ بھی اس تکرار میں شامل ہوگئے تھے۔