سر میں بک گیا،بھارتی ملازم کا انوکھا استعفی وائرل

سامنے والی کمپنی 4 پیسے زیادہ دے رہی ہے،ملازم نے نوکری چھوڑنے کی وجہ بتادی

منگل 22 جولائی 2025 18:02

سر میں بک گیا،بھارتی ملازم کا انوکھا استعفی وائرل

ممبئی(اُردو پوائنٹ اخبارتازہ ترین - این این آئی۔ 22 جولائی2025ء)آفس ملازم کا نوکری سے دیا گیا، انوکھا استعفی سوشل میڈیا پر وائرل ہوگیا۔سوشل میڈیا پر ان دنوں ایک مختصر مگر سچ پر مبنی استعفی وائرل ہو رہا ہے، یہ پیغام لِنکڈ ان پر ممبئی کی ایک کمپنی ہنگلش کے بانی اور سی ای او شبھم گنے نے شیئر کیا، جس میں ایک ملازم نے انتہائی سادگی سے اپنی نوکری چھوڑنے کی وجہ بیان کی۔

(جاری ہے)

یہ وائرل اسکرین شاٹ دیتوا شاہ نامی ایک فرد کی ای میل پر مشتمل ہے، جس نے استعفے میں لکھا کہ ہائے سر، میں بک گیا، سامنے والی کمپنی 4 پیسے زیادہ دے رہی ہے۔شبھم گنے نے اسے ایماندار استعفی قرار دیا اور لِنکڈان پوسٹ میں مزاحیہ انداز میں شیئر کیا، یہ پیغام دیکھتے ہی دیکھتے وائرل ہوگیا اور سوشل میڈیا صارفین نے اس پر دلچسپ تبصرے کیے۔