ایپل نے نئی آئی فون17سیریز اور ڈیوائسز متعارف کرا دیں

کمپنی نے اپنی اسمارٹ واچ لائن اپ میں بڑے اپڈیٹس بھی دے دیئے

بدھ 10 ستمبر 2025 16:18

ایپل نے نئی آئی فون17سیریز اور ڈیوائسز متعارف کرا دیں

نیویارک (اُردو پوائنٹ اخبارتازہ ترین - این این آئی۔ 10 ستمبر2025ء)ایپل نے اپنے لانچ ایونٹ میں نئی آئی فون 17 سیریز کے ساتھ اسمارٹ واچز اور ایئر پوڈز سمیت جدید ڈیوائسز بھی متعارف کرا دی ہیںجسے ایپل کی آفیشل ویب سائٹ پر براہ راست نشر کیا گیا، ایپل نے اس موقع پر چار نئے آئی فون ماڈلز پیش کئے، جن میں آئی فون 17، آئی فون 17 ایئر، آئی فون 17 پرو اور آئی فون 17 پرو میکس شامل ہیں۔

(جاری ہے)

اس کے ساتھ کمپنی نے اپنی اسمارٹ واچ لائن اپ میں بڑے اپڈیٹس دئے، جن میں واچ سیریز 11، واچ الٹرا 3 اور نیا واچ SE شامل ہیں، یہ گھڑیاں صحت، فٹنس اور ٹیکنالوجی کے امتزاج کو ایک نئے معیار پر لے جانے کے لیے تیار کی گئی ہیں۔ایپل نے آڈیو ڈیوائسز کے شوقین صارفین کے لیے اپنے لائن اپ میں ایئر پوڈز پرو 3 بھی شامل کر دئے ہیں، جو مزید بہتر آواز اور پرفارمنس فراہم کریں گے۔