ٹمبرمرچنٹس کے مسائل کے حل کے لیے کوئی دقیقہ فروگزاشت نہیں کر یں گی: صدرآئی سی سی آئی

منگل 22 جولائی 2025 22:26

اسلام آباد(اُردو پوائنٹ اخبارتازہ ترین - آن لائن۔ 22 جولائی2025ء)ٹمبر مرچنٹس ایسوسی ایشن، I-11 اسلام آباد کے ایک 14 رکنی وفد نے اس کے صدر حاجی اقبال خان کی قیادت میں اسلام آباد چیمبر آف کامرس اینڈ انڈسٹری (ICCI) کا دورہ کیا اور ٹمبر بزنس کمیونٹی کو درپیش کلیدی چیلنجوں سے صدر ناصر منصور قریشی کو آگاہ کیا تاکہ ان کے حل کیلئے متعلقہ حکام سے بات چیت کی جا سکے۔

وفد نے آئی سی سی آئی کی قیادت کو ان مختلف مسائل سے آگاہ کیا جو ان کے کاروباری آپریشنز میں رکاوٹ ہیں جن میں ناقص انفراسٹرکچر، میونسپل سروسز کی کمی اور کیپٹل ڈویلپمنٹ اتھارٹی (سی ڈی ای) سے متعلق ریگولیٹری رکاوٹیں شامل ہیں۔آئی سی سی آئی کے صدر ناصر منصور قریشی نے مسائل کو غور سے سنتے ہوئے وفد کو چیمبر کے مکمل تعاون کی یقین دہانی کرائی۔

(جاری ہے)

انہوں نے کہا کہ ICCI لکڑی کے تاجروں کے مسائل کو ان کے جلد اور موثر حل کے لیے متعلقہ حکام کے ساتھ اٹھائے گا۔انہوں نے مزید کہا کہ ''ICCI کاروباری برادری کے تمام طبقات کے ساتھ کام کرنے کے لیے پرعزم ہے اور ایسی پالیسیوں کی وکالت جاری رکھے گا جو تجارتی ترقی کے لیے سازگار ماحول کو فروغ دیں،''۔وفد میں چیئرمین نور ایاز خان، سینئر نائب صدر محمد بشارت گجر، نائب صدر سعید خان محسود، جنرل سیکرٹری ملک اظہر اور دیگر عہدیداران بھی شامل تھے۔

جبکہ آئی سی سی آئی کے ایگزیکٹو ممبران ملک عبدالعزیز، وسیم چوہدری اور صدر کے مشیر نعیم صدیقی بھی موجود تھے ۔قبل ازیں، آئی سی سی آئی کے نائب صدر ناصر محمود چوہدری نے وفد کا خیرمقدم کیا اور لکڑی کے تاجروں کے حقیقی مسائل کے حل کے لیے ان کی حمایت کے لیے چیمبر کے پختہ عزمنکاناعادہنکیا۔

Facebook Twitter Google + Share on Whatsapp

ٹمبرمرچنٹس کے مسائل کے حل کے لیے کوئی دقیقہ فروگزاشت نہیں کر یں گی: صدرآئی سی سی آئی

متعلقہ عنوان :

مزید تجارتی خبریں