کپاس کے کاشتکار مون سون کی بارشوں کے باعث فوری طور پر واٹر سکاؤٹنگ کاعمل مکمل کر لیں،ماہرین جامعہ زرعیہ

بدھ 23 جولائی 2025 13:49

فیصل آباد (اُردو پوائنٹ اخبارتازہ ترین - اے پی پی۔ 23 جولائی2025ء) جامعہ زرعیہ فیصل آباد کے زرعی ماہرین نے کہاہے کہ کپاس کے کاشتکار مون سون کی بارشوں کے باعث فوری طور پر واٹر سکاؤٹنگ کاعمل مکمل کر لیں اورجڑی بوٹیوں کی تلفی پر بھی خصوصی توجہ مرکوز کی جائے۔

(جاری ہے)

انہوں نے کہاکہ مون سون کی بارشوں کے باعث جن کھیتوں میں زیادہ پانی کھڑاہوگیاہے اس کے نکاس کیلئے فوری انتظام کیاجائے اور اگر کسی وجہ سے کھیت سے پانی نکالنا ممکن نہیں تو کھیت کے ایک طرف لمبائی کے رخ کھائی کھود پانی اس میں جمع کردیا جائے تاکہ کپاس کی فصل کو تباہی سے بچایا جا سکے۔

انہوں نے کہاکہ بارش کے باعث کپاس کی فصل میں جڑی بوٹیوں کی افزائش میں تیزی آجاتی ہے لہٰذا کاشتکار جڑی بوٹیوں کی تلفی کی جانب پر بھی توجہ دیں۔ انہوں نے مزید بتایاکہ کپاس کے جن کھیتوں پر ملی بگ کا حملے کا خدشہ ہو اس پر کڑی نظر رکھی جائے اور ماہرین زراعت یا محکمہ زراعت کے فیلڈ سٹاف کی مشاورت سے اس کے تدارک کیلئے اقدامات کئے جائیں۔