بفہ کے علاقہ میں 9 سالہ بچہ کی نعش برآمدگی کا معمہ حل ہو گیا، پولیس نے ملزم کو گرفتار کر کے تفتیش شروع کر دی

بدھ 23 جولائی 2025 16:20

مانسہرہ (اُردو پوائنٹ اخبارتازہ ترین - اے پی پی۔ 23 جولائی2025ء) بفہ کے علاقہ میں کراچی سے آئے مہمان کے 9 سالہ بچہ کی نعش برآمدگی کا معمہ حل ہو گیا، پولیس نے نامعلوم ملزم کو گرفتار کر کے تفتیش شروع کر دی۔بچہ کے بےدردی سے قتل کا نوٹس لیتے ہوئے ڈی آئی جی ہزارہ ناصر محمود ستی نے ڈی پی او مانسہرہ شفیع اﷲ گنڈا پور کو نامعلوم ملزم/ملزمان کو گرفتار کرنے کی ہدایات جاری کی۔

(جاری ہے)

ڈی پی او مانسہرہ شفیع اﷲ گنڈا پور نے نامعلوم ملزم/ملزمان کو ٹریس کر کے گرفتار کرنے اور متاثرہ فیملی کو ریلیف فراہم کرنے کیلئے ایس پی سٹی ریشم جہانگیر اور ایس پی انوسٹی گیشن شیراز خان کی سربراہی میں سپیشل ٹیم تشکیل دی جنہوں نے مختلف زاویوں سے تفتیش کا آغاز کیا اور مختلف لوگوں کو انٹاروگیٹ کرنا شروع کیا۔ دوران تفتیش پولیس نے افغان باشندے نجیب اﷲ ولد کاظم سکنہ اچھڑیاں کیمپ کو گرفتار کر کے شامل تفتیش کیا جس نے اقرار جرم کر لیا ہے جس سے وقوعہ کے متعلق مزید تفتیش جاری ہے جبکہ بچہ کے سر کی تلاش کیلئے سنیفر ڈاگز اور ریسکیو کی ٹیموں کی بھی بھرپور مدد لی جا رہی ہے۔