کومل میر کی کاسمیٹک سرجری اور اداکاری پر مداحوں کی تنقید

بدھ 23 جولائی 2025 23:38

کراچی (اُردو پوائنٹ اخبارتازہ ترین - این این آئی۔ 23 جولائی2025ء)پاکستانی اداکارہ کومل میر نئے ڈرامے اور کاسمیٹک سرجری کے باعث شکل کی ظاہری تبدیلیوں کی وجہ سے سوشل میڈیا پر زیر بحث ہیں۔نجی ٹی وی کے نئے ڈرامے میں کومل ایک جذباتی اور ڈیپ کریکٹر میں نظر آ رہی ہیں، یہ ان کا پہلا بڑا پراجیکٹ ہے جس میں وہ اپنی کاسمیٹک سرجری اور وزن میں اضافے کے بعد سامنے آئیں ہیں۔

(جاری ہے)

تاہم ڈرامے کی پہلی قسط نشر ہوتے ہی سوشل میڈیا پر ان کی شکل اور اداکاری موضوعِ بحث بن گئی ہے کیونکہ ان کی موجودہ شکل ان کی سابق شخصیت سے بیحد مختلف لگ رہی ہے۔سوشل میڈیا صارفین نے کومل کی بدلی ہوئی صورت پر تنقید کرتے ہوئے کہا کہ وہ پہلے کہیں زیادہ خوبصورت لگتی تھیں، کچھ صارفین نے ان کی اداکاری کو اوور ایکٹنگ قرار دیا۔صارفین نے کہا کہ کومل اوور ایکٹنگ کر رہی ہے، یہ بوٹوکس والا چہرہ کیوں اس نے اپنے چہرے کیساتھ کیا کر لیا کتنا بوٹوکس لگوایا وہ پہلے جیسی خوبصورت تھی، اب وہ کشش نہیں رہی، خاتون کا کردار بہت کرنج ہے، ایک صارف نے ان کے ڈرامے کے ڈائیلاگ پر طنزیہ انداز میں تبصرہ کیا تم ہانیہ عامر بننا چاہتی تھیں سرجری کے ذریعے، لیکن تم ناکام ہو گئیں۔