امریکی اداکارہ خاتون پرحملے، تشدد اور چوری کے الزام میں گرفتار

جمعرات 24 جولائی 2025 15:32

نیویارک (اُردو پوائنٹ اخبارتازہ ترین - این این آئی۔ 24 جولائی2025ء)امریکی شو براوو کی سابق ریئلٹی اسٹار ڈائمنڈ ٹینکرڈ کو وال مارٹ میں لڑکی پر حملے اور چوری کے الزام میں گرفتار کرلیا گیا۔غیر ملکی خبر رساں ادارے کے مطابق براوو کے ریئلٹی شو ’’تھکر دین واٹر‘‘میں نظر آنے والی ڈائمنڈ ٹینکرڈ کو ٹینیسی کے شہر اینٹی اوک کے ایک وال مارٹ میں خاتون پر حملے اور چوری کے الزام میں گرفتار کیا گیا ہے۔

پولیس کے مطابق 21 سالہ ٹینکرڈ نے سیلف چیک آٹ لائن میں ایک لڑکی کو پیچھے سے بالوں سے پکڑا اور مار پیٹ شروع کر دی۔ واقعے کی سی سی ٹی وی فوٹیج میں دیکھا گیا کہ وہ ایک پتھر بھرے ہوئے جراب سے خاتون کے چہرے پر وار کر رہی ہیں۔ حملے کے دوران وہ ایک ایڑھی پر مانیٹر بھی پہنے ہوئے تھیں جبکہ متاثرہ خاتون لہولہان ہوگئی تھی۔

(جاری ہے)

اس واقعے کی ویڈیو سوشل میڈیا پر بھی تیزی سے وائرل ہو رہی ہے۔

جس پر صارفین کی جانب سے شدید ردعمل سامنے آرہا ہے۔ پولیس کے مطابق ٹینکرڈ نے متاثرہ خاتون کا آئی فون 14 (مالیت $1500)اور لوئی وٹون ہینڈ بیگ (مالیت $900) بھی چرا لیا۔ خاتون کو پیشانی پر شدید چوٹ لگی اور طبی امداد کے لیے اسپتال منتقل کیا گیا۔متاثرہ لڑکی نے ڈائمنڈ ٹینکرڈ پر خطرناک ہتھیار سے حملہ اور چوری کے الزامات لگائے گئے ہیں اور وہ 25 ہزار ڈالر کے ضمانتی مچلکوں پر رہا ہوئی ہیں۔واضح رہے کہ گزشتہ سال دسمبر میں ڈائمنڈ ٹینکر پر قتل کی کوشش اور حادثے کے بعد فرار ہونے کے الزامات بھی عائد ہو چکے ہیں۔ ان کی عدالت میں اگلی پیشی 22 اگست کو متوقع ہے۔