ہانیہ عامر کے ساتھ اچھے تعلقات ہیں ،عاشروجاہت

اسوقت ہانیہ اور عاشر دونوں اپنے کیرئیر کے عروج پر ہیں اور اب اپنے اپنے پروجیکٹس میں مصروف ہیں

جمعرات 24 جولائی 2025 15:59

ہانیہ عامر کے ساتھ اچھے تعلقات ہیں ،عاشروجاہت

لاہور (اُردو پوائنٹ اخبارتازہ ترین - این این آئی۔ 24 جولائی2025ء)پاکستان کے باصلاحیت اور ابھرتے ہوئے نوجوان اداکارعاشر وجاہت اور بین ااقوامی شہرت یافتہ ہانیہ عامر ایک دوسرے کے بہترین دوست ہیں۔ دونوں کی ایک ساتھ گھومتے ہوئے ویڈیوز اور تصاویر اکثر وائرل ہوتی رہتی تھیں۔ہانیہ خود بھی اعتراف کرچکی ہیں کہ وہ وجاہت رئوف کی فیملی کے بہت قریب ہیں اور عاشراورنائل ان کے لیے فیملی کی طرح ہیں۔

اسوقت ہانیہ اور عاشر دونوں اپنے کیرئیر کے عروج پر ہیں اور اب اپنے اپنے پروجیکٹس میں مصروف ہیں۔چند سال قبل عاشر وجاہت اور نائل وجاہت کو ہانیہ عامر کے ساتھ ایک ویڈیو میں دیکھا گیا تھا اور انٹرنیٹ نے ان پر کافی تنقید کی تھی۔ بہت سے لوگوں نے ویڈیو کو نامناسب کہا اس کے بعد سے ان تینوں کو انٹرنیٹ پر ایک ساتھ گھومتے ہوئے نہیں دیکھا گیا۔

(جاری ہے)

عاشروجاہت ایک پوڈ کاسٹ کے مہمان تھے، جہاں انہوں نے ہانیہ عامر سمیت اپنے مشہور دوستوں کے ساتھ زیادہ نظر نہ آنے کے بارے میں بات کی۔انہوں نے شیئر کیا کہ ایک بہت مشہور اداکار جس کا وہ نام لیں گے نے انہیں بتایا کہ اگر وہ مسلسل مشہور شخصیات کے ساتھ نظر آتے رہیں گے، تو ان کی اپنی پہچان اور صلاحیت پسِ پشت چلی جائے گی اور لوگ سمجھیں گے کہ یہ صرف ان کے ساتھ نظر آتا ہے۔ اس لیے ضروری ہے کہ وہ اپنی انفرادی پہچان بنائیں اور اس پر محنت کریں۔عاشر وجاہت کا کہنا ہے کہ انہوں نے اس مشورے کو دل سے اپنایا اور وضاحت کی کہ ان کے آج بھی اپنے شوبز دوستوں، بشمول ہانیہ عامر کے ساتھ اچھے تعلقات ہیں لیکن وہ ان رشتوں کو میڈیا اور سوشل میڈیا پر پوسٹ نہیں کرتے ہیں۔