فرانس ستمبر میں فلسطین کو تسلیم کرلے گا، صدرمیکرون

یہ فیصلہ مشرقِ وسطی میں منصفانہ اور پائیدار امن کے لیے کیا ہے،گفتگو

جمعہ 25 جولائی 2025 12:46

پیرس (اُردو پوائنٹ اخبارتازہ ترین - این این آئی۔ 25 جولائی2025ء)فرانسیسی صدر ایمانویل میکرون نے اعلان کیا ہے کہ فرانس ستمبر میں فلسطین کو تسلیم کرلے گا۔اپنے بیان میں انہوں نے کہا کہ وہ جنرل اسمبلی میں فسلطینی ریاست کو تسلیم کرنے کا باضابطہ اعلان کریں گے۔

(جاری ہے)

انہوں نے مزید کہا کہ یہ فیصلہ مشرقِ وسطی میں منصفانہ اور پائیدار امن کے لیے کیا ہے۔دوسری جانب امریکا نے اقوام متحدہ کی اسرائیل فلسطین دو ریاستی حل کانفرنس میں بھی شرکت نہ کرنے کا اعلان کردیا۔دو ریاستی حل کانفرنس 28 سے 29 جولائی کو ہوگی، کانفرنس فرانس اور سعودی عرب کی سربراہی میں ہورہی ہے۔