وزیراعلی سندھ کا گلوکارعاشق سموں کی مالی مشکلات کا نوٹس، محکمہ ثقافت کو اقدامات کی ہدایت

فنکار ہماری ثقافتی شناخت اور سماجی سرمایہ ہیں، ان کی فلاح و بہبود حکومت کی ذمہ داری ہے،مراد علی شاہ

جمعہ 25 جولائی 2025 13:39

وزیراعلی سندھ کا گلوکارعاشق سموں کی مالی مشکلات کا نوٹس، محکمہ ثقافت ..

کراچی(اُردو پوائنٹ اخبارتازہ ترین - این این آئی۔ 25 جولائی2025ء) وزیراعلی سندھ سید مراد علی شاہ نے گلوکار عاشق سموں کی مالی مشکلات کا نوٹس محکمہ ثقافت کو اقدامات کی ہدایت جاری کر دی ہے۔وزیراعلی نے صوبائی وزیر ثقافت سید ذوالفقار علی شاہ کو ہدایت دی ہے کہ وہ عاشق سموں کے ورثا سے فوری رابطہ کریں اور ان کے مالی و سماجی مسائل کا جائزہ لے کر براہِ راست امداد فراہم کی جائے۔

(جاری ہے)

مراد علی شاہ نے کہا کہ فنکار ہماری ثقافتی شناخت اور سماجی سرمایہ ہیں، ان کی فلاح و بہبود حکومت کی ذمہ داری ہے۔وزیراعلی سندھ نے محکمہ ثقافت کو فنکاروں کے لیے ایک جامع ویلفیئر پالیسی تیار کرنے کی بھی ہدایت دی، تاکہ مستقبل میں کسی فنکار یا ان کے خاندان کو کسمپرسی کا سامنا نہ کرنا پڑے۔مراد علی شاہ نے عاشق سموں کو خراج عقیدت پیش کرتے ہوئے کہا کہ عاشق سموں کی آواز سندھ کی ثقافت کا انمول اثاثہ ہے، ان کے خاندان کو تنہا نہیں چھوڑا جائے گا۔