سلمان خان نے بگ باس 19 کیلئے معاوضے میں بڑی کمی کر دی

ہدایتکار فرح خان، کرن جوہر اور انیل کپور آخری 2 ماہ کے لیے شو کی میزبانی سنبھال سکتے ہیں

جمعہ 25 جولائی 2025 11:19

سلمان خان نے بگ باس 19 کیلئے معاوضے میں بڑی کمی کر دی

ممبئی (اُردو پوائنٹ اخبارتازہ ترین - این این آئی۔ 25 جولائی2025ء)بھارت کے معروف رئیلیٹی شو بگ باس کا سیزن 19 اگلے ماہ سے شروع ہوگا جس کیلئے شو کے میزبان، اداکار سلمان خان کے معاوضے سے متعلق تفصیلات سامنے آئی ہیں کہ انہوں نے اس بار اپنے معاوضے میں بڑی کمی کی ہے۔بھارتی میڈیا رپورٹس کے مطابق بگ باس 19 اگست میں نشر ہونے جا رہا ہے اور اس سیزن میں بھی سلمان خان ایک بار پھر میزبانی کرتے نظر آئیں گے۔

رپورٹس کے مطابق یہ سیزن اب تک کا سب سے طویل ہو سکتا ہے، جو تقریبا 5 ماہ پر محیط ہوگا، تاہم اس کی تصدیق ابھی نہیں ہوئی۔اس سے قبل بھارتی میڈیا رپورٹس میں کہا گیا تھا کہ سلمان خان پہلے 3 ماہ تک شو کی میزبانی کریں گے، جبکہ ہدایتکار فرح خان، کرن جوہر اور انیل کپور آخری 2 ماہ کے لیے شو کی میزبانی سنبھال سکتے ہیں۔

(جاری ہے)

بھارتی میڈیا رپورٹس کے مطابق سلمان خان نے بگ باس 19 کی میزبانی کیلئے اپنا معاوضہ کم کر دیا ہے۔

انڈین ایکسپریس کی رپورٹ میں کہا گیا ہے کہ سلمان خان 15 ہفتوں کی میزبانی کے عوض تقریبا 120 سے 150 کروڑ بھارتی روپے معاوضہ وصول کریں گے۔یہ معاوضہ پچھلے سیزنز کے مقابلے میں خاصی کم ہے ۔اطلاعات کے مطابق سلمان خان نے اس سے قبل بگ باس کی میزبانی کیلئے 250 کروڑ بھارتی روپے تک معاوضہ وصول کیا ہے جبکہ بگ باس 17 میں ان کی فیس 200 کروڑ روپے کے قریب تھی۔