بھارتی پنجابی گلوکار دلجیت دوسانجھ پاکستانی گلوکار سجاد علی کے مداح نکلے

دلجیت اور ہانیہ کی فلم سرادر جی تھری بھارت کے علاوہ دنیا بھر میں 27جون کو ریلیز کی گئی تھی

جمعہ 25 جولائی 2025 11:19

بھارتی پنجابی گلوکار دلجیت دوسانجھ پاکستانی گلوکار سجاد علی کے مداح ..

کراچی (اُردو پوائنٹ اخبارتازہ ترین - این این آئی۔ 25 جولائی2025ء)بھارتی پنجابی گلوکار دلجیت دوسانجھ پاکستانی لیجنڈری گلوکار سجاد علی کے مداح نکلے۔بھارتی گلوکار نے اپنے فوٹو اینڈ ویڈیو شیئرنگ ایپلیکیشن، انسٹاگرام اکانٹ پر اپنی ایک نئی ویڈیو شیئر کی ہے۔دلجیت دوسانجھ نے اپنی اس ویڈیو کے بیک گرانڈ میں سجاد علی کا گانا راوی لگایا ہے۔

(جاری ہے)

دلجیت دوسانجھ کو انٹرنیٹ صارفین کی جانب سے پاک بھارت تنازع کے بعد اس عمل پر خوب سراہا جا رہا ہے۔

یاد رہے کہ دلجیت دوسانجھ بھارتی فلم سردار جی تھری میں پاکستانی اداکارہ ہانیہ عامر کے ساتھ کام کرنے کے بعد بھارت میں تنازع کا شکار ہیں۔اس سے متعلق دلجیت کا مقف تھا کہ فروری میں جب انہوں نے اداکارہ ہانیہ عامر کے ہمراہ فلم کی شوٹنگ کی تھی تو اس دوران سب ٹھیک تھا۔واضح رہے کہ دلجیت اور ہانیہ کی فلم سرادر جی تھری بھارت کے علاوہ دنیا بھر میں 27جون کو ریلیز کی گئی تھی۔