جنرلی اوپن اوپن ٹینس ٹورنامنٹ ،ٹاپ سیڈڈ الیگزینڈر ببلک مینز سنگلز سیمی فائنل رائونڈ میں پہنچ گئے

جمعہ 25 جولائی 2025 15:51

ویانا (اُردو پوائنٹ اخبارتازہ ترین - اے پی پی۔ 25 جولائی2025ء) قازقستان کے نامور ٹینس سٹار اور ایونٹ کے ٹاپ سیڈڈ الیگزینڈر ببلک اپنی عمدہ کارکردگی کی بدولت اے ٹی پی جنرلی اوپن اوپن ٹینس ٹورنامنٹ میں مردوں کے سنگلز مقابلوں کے سیمی فائنل میں پہنچ گئے۔28 سالہ قازقستان کے کھلاڑی الیگزینڈر ببلک نے مینز سنگلز مقابلوں کے کوارٹر فائنل رائونڈ میچ میں ہم وطن حریف کھلاڑی الیگزینڈر الیگزینڈرووچ شیوچینکو کو شکست دی اور ٹاپ فور رائونڈ کے لئے کوالیفائی کیا۔

(جاری ہے)

جنرلی اوپن اوپن ٹینس ٹورنامنٹ کا 81واں ایڈیشن آسٹریا میں جاری ہے جس میں شائقین ٹینس کو دلچسپ اور کانٹے دار مقابلے دیکھنے کو مل رہے ہیں۔ 28 سالہ قازقستان کے ٹاپ سیڈڈ کھلاڑی الیگزینڈر ببلک نے مینز سنگلز مقابلوں کے کوارٹر فائنل رائونڈ میچ میں شاندار کارکردگی کا مظاہرہ کرتے ہوئے ہم وطن حریف کھلاڑی الیگزینڈر الیگزینڈرووچ شیوچینکو کو سٹریٹ سیٹس میں 4-6اور 2-6 سے شکست دی اور ایونٹ کے ٹاپ فور رائونڈ کے لئے کوالیفائی کرلیا،جہاں ان کا مقابلہ نیدرلینڈز کے حریف کھلاڑی بوٹک وین ڈی زنڈشلپ سے ہوگا۔932