آسٹریلیا کے سائیکلسٹ بین او کونرنے ٹور ڈی فرانس سائیکل ریس کا 18واں مرحلہ جیت لیا

جمعہ 25 جولائی 2025 19:40

پیرس(اُردو پوائنٹ اخبارتازہ ترین - این این آئی۔ 25 جولائی2025ء)آسٹریلیا کے سائیکل سوار بین او کونر نے ٹور ڈی فرانس سائیکل ریس کا 18واں مرحلہ جیت لیا۔ فرانس کے شمالی حصے کے ایک شہر للی سے ٹورڈی فرانس سائیکل ریس کے 112 ویں ایڈیشن کا آغاز ہوچکا ہے۔ جس میں دنیا بھر کی سائیکلنگ کی 23ٹیموں کے نامور سائیکل سوار ٹائٹل کے حصول کے لئے کوشاں ہیں۔ ٹور ڈی فرانس سائیکل ریس کے 18ویں مرحلے میں سائیکل سواروں نے فرانس میں ویف سے کول ڈی لا لوز تک کا فاصلہ طے کرنا تھا جو 171.5 کلو میٹر پر محیط تھا۔

آسٹریلیا کے سائیکل سوار بین اوکونر نے عمدہ سائیکلنگ کا مظاہرہ کرتے ہوئے 171.5 کلومیٹر کا فاصلہ 5 گھنٹے 3منٹ اور47 سیکنڈز میں طے کرکے پہلی پوزیشن حاصل کی۔سلووینیاکے سائیکل سواراور ایونٹ کے دفاعی چیمپئن تڈیج پوگاآر نے 18ویں رائونڈ میں دوسری پوزیشن حاصل کی جبکہ ڈینش سائیکل سوار جوناس ونجیگارڈ راسموسن نے تیسری پوزیشن حاصل کی۔

(جاری ہے)

ریس کا 12 واں مرحلہ جیتنے کے ساتھ ہی سلووینیاکے سائیکل سواراور ایونٹ کے دفاعی چیمپئن تڈیج پوگاآر نے تیسری مرتبہ یلوجرسی حاصل کرلی ہے جس پر تاحال ان کا قبضہ برقرار ہے۔

ٹور ڈی فرانس سائیکل ریس 21 مرحلوں پر محیط ہوگی جس میں سائیکل سوار 3338.8کلو میٹر کا سفر طے کریں گے۔ٹور ڈی فرانس سائیکل ریس میں 232 ٹیمیں ٹائٹل کے حصول کے لئے ایکشن میں ہیں۔ ٹور ڈی فرانس سائیکل ریس 24 روز جاری رہنے کے بعد 27 جولائی کو اختتام پذیر ہوگی۔ ٹور ڈی فرانس سائیکل ریس میں ٹیم یواے ای ایمرٹس ایکس ا?ر جی کے 26 سالہ سلوسینیا کے سائیکلسٹ تڈیج پوگاآر اپنے اعزاز کا دفاع کے لئے کوشاں ہیں۔ ٹور ڈی فرانس سائیکل ریس کا پہلا ایڈیشن پہلی مرتبہ 1903میں ہوا جو فرانسیسی سائیکل سوار مورس فرانسس گارین نے جیتا تھا۔