Live Updates

خیبر پختونخوا میں مزید مون سون بارشوں کی پیشگوئی، موسلادھار بارشوں کا سلسلہ 27 جولائی 31 جولائی تک جاری رہنے کا امکان ہے، پی ڈی ایم اے

جمعہ 25 جولائی 2025 22:30

پشاور (اُردو پوائنٹ اخبارتازہ ترین - اے پی پی۔ 25 جولائی2025ء) خیبر پختونخوا کے بیشتر اضلاع میں مزید مون سون بارشوں کی پیشگوئی کی گئی ہے. پروونشل ڈیزاسٹر مینیجمنٹ اتھارٹی (پی ڈی ایم اے) خیبر پختونخوا کی جانب سے جاری موسمی انتباہ کے مطابق گرج چمک کے ساتھ موسلادھار بارشوں کا سلسلہ 27 جولائی 31 جولائی تک وقفہ وقفہ سے جاری رہنے کا امکان ہے. اس دوران دیر، سوات، چترال، کوہستان، مالاکنڈ، شانگلہ، بٹگرام، بونیر ،کوہاٹ،کرک، بنوں، ٹانک،لکی مروت، ڈی آئی خان ،باجوڑ، مہمند، خیبر، وزیرستان، اورکزئی، مانسہرہ، ایبٹ آباد، ہری پور، پشاور، چارسدہ، نوشہرہ ،مردان، صوابی،ہنگو،اور کرم اضلاع میں تیز ہواؤں اور گرج چمک کے ساتھ وقفے وقفے سے بارش کا امکان ہے، اس دوران موسلادھار بارشوں کے باعث گلیات،مانسہرہ ،کوہستان، ایبٹ آباد، بونیر، چترال، دیر، سوات، شانگلہ، نوشہرہ، صوابی اور مردان اضلاع کے مقامی/برساتی ندی نالوں میں طغیانی جبکہ پہاڑی علاقوں میں لینڈ سلائیڈنگ اور مقامی ندی نالوں میں طغیانی کا خدشہ ہے، صوبہ کے نشیبی علاقوں میں اربن فلڈنگ جبکہ شدید بارشوں کے باعث دریائے سوات،چترال اور پنچکوڑہ میں بھی پانی کی سطح بڑھنے سے سیلابی صورتحال کا خدشہ ہے.

پی ڈی ایم اے نے ضلعی انتظامیہ کو پیشگی اقدامات اٹھانے کےلیے الرٹ جاری کر دیا ہے. پی ڈی ایم اے نے ریسکیو 1122 اور امدادی ٹیموں کو الرٹ اور پیشگی دستیاب وسائل بروئے کار لانے کی ہدایت کی ہے۔

(جاری ہے)