پشاور،دلیپ کمار اور راج کپور کی حویلیوں کی بحالی کا کام شروع

منصوبہ دو سال میں مکمل ہوجائیگا،مجموعی طور پر7کروڑ خرچ ہوں گے،سیکرٹری آثارقدیمہ کے پی

ہفتہ 26 جولائی 2025 11:10

پشاور،دلیپ کمار اور راج کپور کی حویلیوں کی بحالی کا کام شروع

پشاور(اُردو پوائنٹ اخبارتازہ ترین - این این آئی۔ 26 جولائی2025ء)پشاور میں واقع بالی ووڈ کے لیجنڈ اداکاروں دلیپ کمار اور راج کپور کی تاریخی حویلیوں کو اصل حالت میں بحال کرنے کے منصوبے پر باضابطہ کام کا آغاز کر دیا گیا۔

(جاری ہے)

سیکرٹری آثار قدیمہ خیبرپختونخوا ڈاکٹر عبدالصمد کے مطابق یہ منصوبہ دو سال میں مکمل کیا جائے گا اور اس پر مجموعی طور پر 7کروڑ روپے خرچ کیے جائیں گے۔ڈاکٹر عبدالصمد نے بتایاکہ ان دونوں حویلیوں کو ان کی اصل حالت میں بحال کیا جائے گا اور بعد ازاں انہیں سیاحوں کیلئے کھول دیا جائے گا تاکہ مقامی اور بین الاقوامی سیاحت کو فروغ ملے، یہ منصوبہ سابقہ حکومت کے دور میں شروع کیا گیا تھا تاہم فنڈز کی کمی کے باعث زیر التوا رہا۔