پاکستانی فلموں کے معروف پلے بیک سنگر اخلاق احمد کی 26ویں برسی 4اگست کو منائی جائے گی

اخلاق احمد نے 80سے زائد فلموں میں ایک سو سے زائد گانے گائے جو کہ آج بھی ان کی یاد دلاتے ہیں

ہفتہ 26 جولائی 2025 11:10

ٹھٹھہ صادق آباد(اُردو پوائنٹ اخبارتازہ ترین - این این آئی۔ 26 جولائی2025ء)’’ ساون آئے ساون جائے ،تم کو پکاریںگیت ہمارے‘‘ پاکستانی فلموں کے معروف پلے بیک سنگر اخلاق احمد کی 26ویں برسی 4اگست کو منائی جائے گی ۔

(جاری ہے)

اخلاق احمد نے اپنے کیریئر کاآغاز 1960ء میں سٹیج پر گلوکاری سے کیا گلوکار اخلاق احمد موسیقی کی دنیا میں ایک عرصے تک طبع آزمائی کرتے لیکن انہیں معروف پاکستانی فلموں ’’ بندش ‘‘ اور ’’چاہت ‘‘ میں گلوکاری کرنے پر ملک گیر شہرت حاصل ہوئی ۔

ان کے مشہور ترین گانوں میں ’’ساون آئے ساون جائے‘‘ اور ’’ سونا نہ چاندی نہ کوئی محل ‘‘شامل ہیں ان گانوں نے انہیں شہرت کی بلندیوں تک پہنچا دیا ۔اخلاق احمد نی80سے زائد فلموں میں ایک سو سے زائد گانے گائے جو کہ آج بھی ان کی یاد دلاتے ہیں ان کا مشہور گانا ساون آئے ساون جائے آج بھی موسم خوشگوار ہونے پر ریڈیو پر سنائی دیتا ہے ۔اخلاق احمد بلڈ کینسر جیسے مہلک مرض کا شکار ہو کر 4اگست 1999ء کو اس دنیا سے رخصت ہوگئے۔

متعلقہ عنوان :