راجستھان میں سکول کی چھت گرنے سے 7 بچے ہلاک، 30 زخمی

ہفتہ 26 جولائی 2025 16:21

جے پور(اُردو پوائنٹ اخبارتازہ ترین - این این آئی۔ 26 جولائی2025ء)بھارتی راجستھان میں ایک سکول عمارت کی چھت گرنے سے سات بچے ہلاک جبکہ 30 زخمی ہوگئے۔

(جاری ہے)

کشمیرمیڈیاسروس کے مطابق واقعہ ضلع جھالاوان کے گاؤں پپلود کے گورنمنٹ اپر پرائمری سکول میں اس وقت پیش آیا جب طلباء صبح کی اسمبلی میں موجود تھے۔ پولیس حکام نے بتایاکہ عمارت کے اندر ہونے والی اسمبلی میں کم از کم 40طلباء موجود تھے ۔ عمارت کی چھت منہدم ہونے سے سات بچوں کی ہلاکت جبکہ 30کے قریب زخمی ہونے کی اطلاعات ہیں۔زخمی طلباء کو ہسپتال میں داخل کر دیا گیا ہے۔