وزیراعلی پنجاب کی زیر صدارت اجلاس، مثالی گائوں،ستھراپنجاب اور ویسٹ ٹو ویلیو پراجیکٹس پر بریفنگ

ہفتہ 26 جولائی 2025 22:10

لاہور (اُردو پوائنٹ اخبارتازہ ترین - اے پی پی۔ 26 جولائی2025ء) وزیراعلی پنجاب مریم نواز کی زیر صدارت خصوصی اجلاس منعقد ہوا، جس میں مثالی گائوں،ستھراپنجاب اور ویسٹ ٹو ویلیو پراجیکٹس پر بریفنگ دی گئی۔

(جاری ہے)

پنجاب میں 1200دیہات مثالی گائوں بنانے کے پراجیکٹ پر پیشرفت کا جائزہ لیاگیا،ہر مثالی گائوں میں 7 /24 واٹر سپلائی، مکمل سیوریج نیٹ ورک اور ویسٹ مینجمنٹ ٹریٹمنٹ پلانٹ بنیں گے،پنجاب کے مثالی گائوں میں پختہ گلیاں،سڑکوں کی بحالی،چلڈرن پارک،شجر کاری بھی ہوگی جبکہ مثالی گائوں میں گھروں پر نمبر لگائے جائیں گے اورسائن بورڈ بھی نصب ہوں گے، وزیراعلی کومثالی گائوں کے لئے سولر سسٹم سے چلنے والے واٹرسپلائی ماڈل اورسیوریج سسٹم پر بریفنگ دی گئی،پنجاب کے مثالی گائوں پراجیکٹ کے تحت پائلٹ فیز میں 130دیہات میں ترقیاتی منصوبے مکمل ہوچکے ہیں۔

وزیراعلی مریم نوا نے مثالی گائوں پراجیکٹ کی جلد از جلد تکمیل کیلئے ڈیڈ لائن طلب کرلی ہے،وزیراعلی نے کہاکہ مثالی گائوں پراجیکٹ میں عوام کی ضروریات کو مدنظر رکھ کر ترجیحات کا تعین کیا جائے گا،مثالی گائوں کے تحت ہر دیہات کو مکمل طورپر ڈویلپ کیا جائے گا۔