سلووینیا کے سائیکلسٹ تڈیج پوگاآر کا کامیاب دفاع،چوتھی مرتبہ ٹور ڈی فرانس سائیکل ریس جیت لی

پیرس (اُردو پوائنٹ اخبارتازہ ترین - اے پی پی۔ 28 جولائی2025ء) سلووینیا کےنامور سائیکلسٹ تڈیج پوگاآر نے کامیاب دفاع کرتے ہوئے ٹور ڈی فرانس سائیکل ریس 2025 جیت لی۔متحدہ عرب امارات کی ٹیم ایمریٹس 26 سالہ سلووینین سائیکلسٹ تڈیج پوگاآر نے نہ صرف ٹورڈی فرانس کا 112 واں ایڈیشن اپنے نام کیا بلکہ چوتھی مرتبہ ٹائٹل جیتنے میں کامیاب رہے ۔

ٹیم جمبو ویزما کے سائیکلسٹ 28 سالہ ڈنمارک کے جوناس ونجیگارڈ راسموسن دوسرے اور ٹیم ریڈ بل بورا ہانسگروہ کی نمائندگی کرنے والے 24 سالہ جرمن سائیکل سوار فلورین لیپووٹز تیسرے نمبر پر رہے۔ تین ہفتوں تک جاری رہنے والی اس ریس کے 21 ویں اور آخری مرحلے میں 30 سالہ بیلجیئم کےنامور سائیکلسٹ واؤٹ وین ایرٹ فاتح رہے تاہم ریس میں مجموعی برتری پر متحدہ عرب امارات کی ٹیم ایمریٹس 26 سالہ سلووینین سائیکلسٹ تڈیج پوگاآر کا ہی قبضہ رہا۔

(جاری ہے)

ٹورڈی فرانس سائیکل ریس کے 21 ویں اور آخری مرحلے میں سائیکل سواروں نے مناکو سے نیس تک کا فاصلہ طے کرنا تھا جو 33.7کلو میٹر پر محیط تھا جس کو 30 سالہ بیلجیئم کےنامور سائیکلسٹ واؤٹ وین ایرٹ نے 3گھنٹے ،7 منٹس اور 30 سیکنڈز میں طے کر کے پہلی پوزیشن حاصل کی۔ اٹلی کے سائیکل سوار ڈیوڈ بیلرینی نے دوسری جبکہ سلووینیا کے سائیکل سوار میٹیج موہرک نے تیسری پوزیشن حاصل کی۔

متحدہ عرب امارات کی ٹیم ایمریٹس کے سائیکل سوار سلووینیا کے تڈیج پوگاآر نے ریس میں مجموعی طور پر 4 سٹیجز میں فتح حاصل کرنے کے ساتھ ساتھ ٹور ڈی فرانس ریس کا ٹائٹل بھی جیتنے پر اختتام کیا اور تڈیج پوگاآر 1990 میں امریکی سائیکلسٹ گریگ لیمونڈ کے بعد ٹور ڈی فرانس جیتنے والے پہلے ورلڈ روڈ چیمپئن بھی بن گئے ہیں اور تیسری بار کنگ آف دی ماؤنٹینز کا خطاب بھی حاصل کیا ہے۔

26 سالہ تڈیج پوگاآر نے کہا ہے کہ وہ فرانس ٹورڈی کا 2025 کا ایڈیشن جینتے پر بہت خوش ہیں ۔انہوں نے کہا کہ وہ ریس کے تمام 21 مراحل سے بہت لطف اندوز ہوئے ۔ متحدہ عرب امارات کی ٹیم کے فاتح سائیکلسٹ کا ریس میں 12واں مرحلہ جیتنے کے ساتھ ساتھ آئرلینڈ کے سائیکل سوار سے یلو جرسی چھین لی تھی جس پر ان کا 21 ویں مرحلے تک قبضہ برقرار رہا۔اس فتح کے ساتھ ہی سلووینیا کےنامور سائیکلسٹ تڈیج پوگاآرکے ٹورڈی فرانس سائیکل ریس کے ٹائٹل کی تعداد چار ہوگئی ہے۔\932