سلووینیا کے سائیکلسٹ تڈیج پوگاآر کا کامیاب دفاع،چوتھی مرتبہ ٹور ڈی فرانس سائیکل ریس جیت لی

پیر 28 جولائی 2025 15:08

پیرس(اُردو پوائنٹ اخبارتازہ ترین - این این آئی۔ 28 جولائی2025ء)سلووینیا کینامور سائیکلسٹ تڈیج پوگاآر نے کامیاب دفاع کرتے ہوئے ٹور ڈی فرانس سائیکل ریس 2025 جیت لی۔متحدہ عرب امارات کی ٹیم ایمریٹس 26 سالہ سلووینین سائیکلسٹ تڈیج پوگاآر نے نہ صرف ٹورڈی فرانس کا 112 واں ایڈیشن اپنے نام کیا بلکہ چوتھی مرتبہ ٹائٹل جیتنے میں کامیاب رہے۔ ٹیم جمبو ویزما کے سائیکلسٹ 28 سالہ ڈنمارک کے جوناس ونجیگارڈ راسموسن دوسرے اور ٹیم ریڈ بل بورا ہانسگروہ کی نمائندگی کرنے والے 24 سالہ جرمن سائیکل سوار فلورین لیپووٹز تیسرے نمبر پر رہے۔

تین ہفتوں تک جاری رہنے والی اس ریس کے 21 ویں اور آخری مرحلے میں 30 سالہ بیلجیئم کینامور سائیکلسٹ واؤٹ وین ایرٹ فاتح رہے تاہم ریس میں مجموعی برتری پر متحدہ عرب امارات کی ٹیم ایمریٹس 26 سالہ سلووینین سائیکلسٹ تڈیج پوگاآر کا ہی قبضہ رہا۔

(جاری ہے)

ٹورڈی فرانس سائیکل ریس کے 21 ویں اور آخری مرحلے میں سائیکل سواروں نے مناکو سے نیس تک کا فاصلہ طے کرنا تھا جو 33.7کلو میٹر پر محیط تھا جس کو 30 سالہ بیلجیئم کینامور سائیکلسٹ واؤٹ وین ایرٹ نے 3گھنٹے،7 منٹس اور 30 سیکنڈز میں طے کر کے پہلی پوزیشن حاصل کی۔

اٹلی کے سائیکل سوار ڈیوڈ بیلرینی نے دوسری جبکہ سلووینیا کے سائیکل سوار میٹیج موہرک نے تیسری پوزیشن حاصل کی۔متحدہ عرب امارات کی ٹیم ایمریٹس کے سائیکل سوار سلووینیا کے تڈیج پوگاآر نے ریس میں مجموعی طور پر 4 سٹیجز میں فتح حاصل کرنے کے ساتھ ساتھ ٹور ڈی فرانس ریس کا ٹائٹل بھی جیتنے پر اختتام کیا اور تڈیج پوگاآر 1990 میں امریکی سائیکلسٹ گریگ لیمونڈ کے بعد ٹور ڈی فرانس جیتنے والے پہلے ورلڈ روڈ چیمپئن بھی بن گئے ہیں اور تیسری بار کنگ آف دی ماؤنٹینز کا خطاب بھی حاصل کیا ہے۔

26 سالہ تڈیج پوگاآر نے کہا ہے کہ وہ فرانس ٹورڈی کا 2025 کا ایڈیشن جینتے پر بہت خوش ہیں۔انہوں نے کہا کہ وہ ریس کے تمام 21 مراحل سے بہت لطف اندوز ہوئے۔ متحدہ عرب امارات کی ٹیم کے فاتح سائیکلسٹ کا ریس میں 12واں مرحلہ جیتنے کے ساتھ ساتھ آئرلینڈ کے سائیکل سوار سے یلو جرسی چھین لی تھی جس پر ان کا 21 ویں مرحلے تک قبضہ برقرار رہا۔اس فتح کے ساتھ ہی سلووینیا کینامور سائیکلسٹ تڈیج پوگاآرکے ٹورڈی فرانس سائیکل ریس کے ٹائٹل کی تعداد چار ہوگئی ہے۔