منڈی بہائوالدین ، ملزم نے فائرنگ کر کے اپنے والد، والدہ اور بیوی کو قتل کر دیا

پیر 28 جولائی 2025 22:20

لاہور (اُردو پوائنٹ اخبارتازہ ترین - اے پی پی۔ 28 جولائی2025ء) منڈی بہائوالدین میں ملزم نے فائرنگ کر کے اپنے والد، والدہ اور بیوی کو قتل کر دیا۔انسپکٹر جنرل پولیس پنجاب ڈاکٹر عثمان انور نے منڈی بہائوالدین میں تین افراد کےجاں بحق ہونے کے معاملے کا نوٹس لے لیا۔ آئی جی پنجاب نے اسداللہ پور میں فائرنگ سےجاں بحق ہونے کے معاملے کا آر پی او گوجرانوالہ سے رپورٹ طلب کر لی ہے۔

(جاری ہے)

انہوں نے ڈی پی او منڈی بہائوالدین کو فائرنگ میں ملوث ملزم کی فوری گرفتاری کا حکم دیتے ہوئے کہا کہ قتل کی واردات میں ملوث ملزم کی گرفتاری کیلئے تمام وسائل بروئے کار لائیں۔ ڈی پی او منڈی بہائوالدین نے بتایا کہ پولیس ٹیموں نے موقع پر پہنچ کر شواہد اکٹھے کر لئے ہیں۔ملزم کی گرفتاری کیلئے ٹیمیں تشکیل دے دی گئی ہیں اور جلد گرفتار کر لیں گے۔انہوں نے مزید بتایا کہ ملزم احسان اللہ نے فائرنگ کر کے اپنے والد، والدہ اور بیوی کو قتل کر دیا۔ مقتولین میں محمد حسین، رسولہ بی بی اور ماریہ شامل ہیں۔