کاجول نے 50 سال کی عمر میں جوان دکھنے کا راز بتادیا

جب لوگ تھک جاتے ہیں یا زندگی سے بیزار ہو جاتے ہیں، تب چہرے پر جھریاں نظر آنا لگتی ہے، ادکارہ

منگل 29 جولائی 2025 14:27

کاجول نے 50 سال کی عمر میں جوان دکھنے کا راز بتادیا

ممبئی (اُردو پوائنٹ اخبارتازہ ترین - این این آئی۔ 29 جولائی2025ء)بالی وڈ کی اداکارہ کاجول نے 50 سال کی عمر میں صحت مند اور جوان دکھنے کا راز بتادیا۔ اداکارہ نے حال ہی میں ایک چیٹ شو میں بات کرتے ہوئے تسلیم کیا کہ وہ عمر بڑھنے کو لے کر کسی حد تک فکر مند ضرور ہوتی ہیں جس کے بعد انہوں نے بڑھتی عمر سے متعلق اپنی فکر، اسکن کیئر اور روزمرہ کی روٹین کے بارے میں کھل کر بات کی۔

انہوں نے کہا کہ ان کے خیال میں عمر کا اندازہ چہرے کی جھریوں سے زیادہ آنکھوں سے ہوتا ہے، جب لوگ تھک جاتے ہیں یا زندگی سے بیزار ہو جاتے ہیں، تب چہرے پر جھریاں نظر آنا لگتی ہے اور طرح عمر کا بھی احساس ہونے لگتا ہے۔اداکارہ نے اپنی گفتگو کے دوران عمر کے بڑھنے کو خوش قسمتی کی بات قرار دیا، ان کاکہنا تھا بہت سے لوگ جوانی میں ہی دنیا چھوڑ جاتے ہیں، اس لیے عمر بڑھنا اچھی اور خوش قسمتی کی بات ہے جس کے لیے وہ شکر گزار ہیں۔

(جاری ہے)

اداکارہ نے صحت مند زندگی اور اپنی روٹین سے متعلق مداحوں کو بتایاکہ وہ روزانہ 8 گلاس پانی پیتی ہیں، 8 سے 10گھنٹے کی نیند ضرور لیتی ہیں اور ہر رات سونے سے پہلے چہرہ دھو کر کریم لگاتی ہیں اور باقاعدگی سے ورزش کرتی ہیں۔کاجول کا کہنا تھا کہ ان کے سامنے ابھی مزید خوبصورت سال موجود ہیں جنہیں وہ جینا چاہتی ہیں۔یاد رہے کہ کاجول نے 1992 میں فلمی دنیا میں قدم رکھا جس کے بعد انہوں نے کئی سپر ہٹ فلموں میں اداکاری کے جوہر دکھائے۔ان کی مشہور فلموں میں بازی گر ، دل والے دلہنیا لے جائیں گے، کچھ کچھ ہوتا ہے اور کبھی خوشی کبھی غم سمیت دیگر کئی فلمیں شامل ہیں۔حال ہی میں ان کی نئی فلم’’سرزمین‘‘ریلیز ہوئی۔