چینی کے مقرر کردہ نرخوں پر عملدرآمد نہ کرنیوالوں کیخلاف کریک ڈاون جاری

بدھ 30 جولائی 2025 20:20

لاہور (اُردو پوائنٹ اخبارتازہ ترین - اے پی پی۔ 30 جولائی2025ء) چینی کے مقرر کردہ نرخوں پر عملدرآمد نہ کرنیوالوں کیخلاف کریک ڈاون جاری ہے۔

(جاری ہے)

ترجمان پرائس کنٹرول کے مطابق گزشتہ 24 گھنٹوں کے دوران 1019 دکانداروں کیخلاف چینی کی قیمتوں میں ناجائز منافع خوری پر کارروائیاں کی گئیں،پنجاب بھر میں142 افراد گرفتار اور18 کیخلاف مقدمات درج جبکہ 859 افراد کو جرمانے عائد کئے گئے،گزشتہ 7 روز میں 19 ہزار 714 افراد کیخلاف کارروائیوں میں 1133 افراد گرفتار جبکہ161 کیخلاف مقدمات درج کروائے گئے ہیں،لاہور ڈویژن میں 120 گراں فروشوں کیخلاف کارروائیوں کے دوران 14 گرفتار جبکہ 14 کیخلاف مقدمات درج کروائے گئے، گوجرانولہ ڈویژن میں 178 اور فیصل آباد میں 277 دوکانداروں کیخلاف چینی کے نرخوں کی خلاف ورزی پر کارروائیاں کی گئیں،ساہیوال ڈویژن میں 03، سرگودھا 56 جبکہ راولپنڈی میں 124 گرانفروشوں کیخلاف کارروائیاں کی گئیں،بہاولپور ڈویژن میں 04،ڈی جی خان 60 جبکہ ملتان میں 197 چینی گراں فروشوں کیخلاف کارروائیاں کی گئیں،ترجمان پرائس کنٹرول نے بتایا کہ چینی کی قیمتوں میں مصنوعی اضافے اور قلت پیدا کرنیوالوں کو گرفتار اور بھاری جرمانے عائد کئے جا رہے ہیں، گزشتہ7 روز کے مقابلے میں مارکیٹ میں نرخوں پر عملدرآمد میں واضح بہتری آئی ہے۔