نیشنل ایکشن پلان کے تحت ضلع راولپنڈی میں غیر رجسٹرڈ کرایہ داروں کے خلاف سرچ آپریشن،600 سے زائد شہریوں کے کوائف درج

جمعرات 31 جولائی 2025 17:00

راولپنڈی (اُردو پوائنٹ اخبارتازہ ترین - اے پی پی۔ 31 جولائی2025ء) سٹی پولیس آفیسر سید خالد ہمدانی کی سربراہی میں راولپنڈی پولیس نے ضلع بھر میں نیشنل ایکشن پلان کے تحت غیر رجسٹرڈ کرایہ داروں کے خلاف بڑے پیمانے پر سرچ آپریشن کیا ۔پولیس ترجمان کے مطابق سرچ آپریشن میں مقامی پولیس، ایلیٹ فورس، لیڈیز پولیس سمیت دیگر قانون نافذ کرنے والے اداروں نے حصہ لیا۔

(جاری ہے)

سرچ آپریشن میں184گھروں،124دوکانداروں،02 ہوٹل اور300سے زائدافراد کے کوائف کا اندراج کیا گیا۔سرچ آپریشن تھانہ سول لائنز، آر اے بازار، وارث خان، رتہ امرال،کہوٹہ، مندرہ، چونترہ، جاتلی، دھمیال اور روات کے علاقوں میں کیا گیا۔ ڈویژنل ایس پیز کا کہنا تھاکہ سرچ آپریشنز کا مقصد جرائم پیشہ عناصر کی بیخ کنی کرنا ہے، نیشنل ایکشن پلان کے تحت سرچ آپریشنز کا سلسلہ جاری رہے گا۔