بجٹ میں تعلیمی ایمرجنسی لگائی ہے، مزید 10 لاکھ بچوں کو سکولوں میں داخل کریں گے

بجٹ کا 21 فیصد ابتدائی و ثانوی تعلیم کے لیے رکھا ہے، بچوں کو مفت کتابیں، اسٹیشنری اور بیگز فراہم کررہے ہیں، میرٹ پر 18 ہزار اساتذہ کی بھرتی کا عمل جاری ہے۔ وزیراعلی خیبر پختونخوا علی امین گنڈاپور

ثنااللہ ناگرہ جمعرات 31 جولائی 2025 20:13

بجٹ میں تعلیمی ایمرجنسی لگائی ہے، مزید 10 لاکھ بچوں کو سکولوں میں داخل ..

پشاور ( اردوپوائنٹ اخبار تازہ ترین۔ آئی پی اے ۔31 جولائی 2025ء ) وزیراعلی خیبر پختونخوا علی امین خان گنڈاپور نے کہا ہے کہ بجٹ میں تعلیمی ایمرجنسی لگائی ہے، مزید 10 لاکھ بچوں کو سکولوں میں داخل کریں گے، بجٹ کا 21 فیصد ابتدائی و ثانوی تعلیم کے لیے رکھا ہے، بچوں کو مفت کتابیں، اسٹیشنری اور بیگز فراہم کررہے ہیں، میرٹ پر 18 ہزار اساتذہ کی بھرتی کا عمل جاری ہے۔

انہوں نے علم پیکٹ پروگرام کے باضابطہ اجراء کی تقریب سے خطاب کرتے ہوئے کہا کہ علم پیکٹ پروگرام کا اجراء ممکن بنانے پر تمام شراکت دار اداروں کا شکریہ ادا کرتا ہوں۔ ہماری حکومت کا مشن بچوں کو صرف تعلیم نہیں بلکہ معیاری تعلیم دینا ہے، ہم نے حکومت قائم کرتے ہی سکولوں میں ناپید سہولیات کی فراہمی پر کام شروع کیا۔

(جاری ہے)

رواں سال کے لیے ہدف مقرر کیا ہے کہ کوئی بچہ بغیر کرسی اور میز کے بغیر نہ رہے، اس مقصد کے لیے درکار فنڈز بھی فراہم کر دیئے گئے ہیں، ہم نے تعلیمی نظام کو جدید خطوط پر استوار کرنے کے لئے اقدامات شروع کیے گئے، علم پیکٹ پروگرام ان اقدامات کے سلسلے میں ایک اہم اقدام ہے۔

باشعور قومیں ہی اپنے پاؤں پر کھڑی ہوتی ہیں اور شعور تعلیم سے آتا ہے، بچیوں کی تعلیم پر ہم خصوصی فوکس کر رہے ہیں کیونکہ ایک پڑھی لکھی ماں ہی پڑھی لکھی قوم تیار کر سکتی ہے۔ رواں سال کے بجٹ میں ہم نے تعلیمی ایمرجنسی لگائی ہے، ابتدائی و ثانوی تعلیم کا بجٹ خاطر خواہ حد تک بڑھایا ہے، رواں مالی سال کے دوران کل بجٹ کا 21 فیصد ابتدائی و ثانوی تعلیم کے لیے رکھا ہے، گذشتہ ایک سال میں 13 لاکھ آؤٹ آف سکول بچوں کو سکولوں میں داخل کروایا گیا۔

رواں تعلیمی سال کے دوران مزید 10 لاکھ بچوں کو سکولوں میں داخل کرانے کا ہدف مقرر کیا ہے، سرکاری سکولوں میں بچوں کو مفت کتابوں کے ساتھ ساتھ مفت اسٹیشنری اور سکول بیگز کی فراہمی کا منصوبہ شروع کر رہے ہیں۔ صوبے میں ایجوکیشن کے معیار کو بہتر بنانے کے لیے ٹیچرز ٹریننگ پر بھی توجہ دی جا رہی ہے، میرٹ کی بنیاد پر 18 ہزار اساتذہ کی بھرتی کا عمل جاری ہے۔