Live Updates

چین میںبزرگ شہریوں کیلئے قائم کیئر ہوم میں سیلاب سے 31 افراد ہلاک

کیئر سینٹر میں پانی کی سطح تقریبا 2 میٹر تک ریکارڈ ،سبب بزرگ افراد نکل نہ سکے،غیرملکی میڈیا

جمعہ 1 اگست 2025 13:25

بیجنگ(اُردو پوائنٹ اخبارتازہ ترین - این این آئی۔ 01 اگست2025ء)چین کے دارالحکومت بیجنگ میں بزرگ افراد کیلئے قائم کیئر ہوم میں سیلاب سے درجنوں افراد ہلاک ہوگئے۔غیر ملکی میڈیا کے مطابق چین میں شدید بارشوں اور سیلاب نے تباہی مچائی ہوئی ہے جس کے نتیجے میں متعدد افراد کی ہلاکت کی تصدیق ہوئی ہے۔

(جاری ہے)

میڈیا رپورٹس میں بتایا گیا ہے کہ وسطی بیجنگ کے ضلع میون کے ٹان میں بزرگ افراد کیلئے ایلڈرلی کیئر سینٹر قائم ہے جو سیلاب سے متاثر ہوا، کیئر سینٹر میں تقریبا 77 بزرگ شہری مقیم تھے جن میں سے تقریبا 40 افراد سیلاب کی وجہ سے پھنس گئے۔

رپورٹس کے مطابق سینٹر میں پانی کی سطح تقریبا 2 میٹر (6 فٹ) تک ریکارڈ کی گئی جس کے سبب بزرگ افراد نکل نہ سکے اور 31 افراد ڈوب کر ہلاک ہوگئے۔ایک چینی عہدیدار نے پریس کانفرنس میں اپنی خامیوں کو قبول کرتے ہوئے کہا کہ ایک طویل عرصے سیاس علاقیکو محفوظ سمجھا جا رہا تھا، اس لیے اسے انخلا کے دائرہ کار میں شامل نہیں کیا گیا۔