Live Updates

فیصل آباد،مکئی کے کاشتکاروں کو فصل سے جڑی بوٹیاں فوری تلف کرنے کی ہدایت

جمعہ 1 اگست 2025 15:43

فیصل آباد (اُردو پوائنٹ اخبارتازہ ترین - اے پی پی۔ 01 اگست2025ء) مکئی کے کاشتکاروں کو فصل سے جڑی بوٹیاں فوری تلف کرنے کای ہدایت کی گئی ہے ،کاشتکار اس ضمن میں کسی غفلت کا مظاہرہ نہ کریں کیونکہ جڑی بوٹیاں مکئی کی پیداوار میں 25 سے 50 فیصد تک کمی کا باعث بن سکتی ہیں۔اسسٹنٹ ڈائریکٹرمحکمہ زراعت توسیع فیصل آبادعامر صدیق نے بتایا کہ اس مرتبہ مکئی کی شاندار فصل حاصل ہونے کا امکان ہے تاہم جڑی بوٹیوں کی تلفی بھی بہت ضروری ہے۔

(جاری ہے)

انہوں نے کہاکہ اگر مکئی کی فصل پر کسی بیماری یا کیڑے مکوڑے کا حملہ نظر آئے تو فوری طور پر ماہرین زراعت یا محکمہ زراعت کے فیلڈ سٹاف کی مشاورت سے مناسب زہروں کا سپرے یقینی بنایا جائے۔ انہوں نے کہاکہ برسات کے موسم میں مکئی کی فصل سے بارش کے پانی کے فوری نکاس کا بھی بندوبست کیاجائے کیونکہ زیادہ دیر تک کھیت میں پانی کھڑا رہنے سے فصل متاثر ہونے کا خدشہ ہے، مزید رہنمائی کیلئے ماہرین زراعت کی خدمات سے استفادہ کیاجاسکتاہے۔