راولپنڈی پولیس کا مختلف علاقوں میں سرچ آپریشن

سرچ آپریشن میں گھروں، دوکانوں، ہوٹل اورافراد کے کوائف کا اندراج کیا گیا

ہفتہ 2 اگست 2025 21:00

راولپنڈی (اُردو پوائنٹ اخبارتازہ ترین - این این آئی۔ 02 اگست2025ء) سی پی او سید خالد ہمدانی کی ہدایت پر راولپنڈی پولیس کے مختلف علاقوں میں سرچ آپریشن کے دوران گھروں، دوکانوں، ہوٹل اورافراد کے کوائف کا اندراج کیا گیا۔

(جاری ہے)

تفصیلات کے مطابق سی پی او سید خالد ہمدانی کی ہدایت پر راولپنڈی پولیس نے مختلف علاقوں میں سرچ آپریشن کیا، سرچ آپریشن میں مقامی پولیس، ایلیٹ فورس، لیڈیز پولیس سمیت دیگر قانون نافذ کرنے والے اداروں نے حصہ لیا، سرچ آپریشن میں111گھروں،90دوکانداروں،46 ہوٹل،02گودام،73موٹرسائیکل اور343سے زائدافراد کے کوائف کا اندراج کیا گیا،سرچ آپریشن تھانہ صادق آباد،نیوٹائون،بنی،وارث خان،سٹی ،گنجمنڈی ،رتہ امرال اور پیرودہائی کے علاقوں میں کیا گیا، ڈویژنل ایس پیز کا کہنا تھاکہ سرچ آپریشنز کا مقصد جرائم پیشہ عناصر کی بیخ کنی کرنا ہے، نیشنل ایکشن پلان کے تحت سرچ آپریشنز کا سلسلہ جاری رہے گا۔