یوکرین کا روس کے شہر سوچی میں آئل ریفائنری پر ڈرون حملہ

یوکرین کے جنوبی شہر میخولائیو میں روسی میزائل حملے سے 7 شہری زخمی

اتوار 3 اگست 2025 15:15

کیف (اُردو پوائنٹ اخبارتازہ ترین - این این آئی۔ 03 اگست2025ء)یوکرین نے روس کے شہر سوچی میں آئل ریفائنری پر ڈرون حملہ کیا ہے جس سے آئل ریفائنری میں آگ لگ گئی۔غیرملکی میڈیا کے مطابق یوکرین نے بحیرہ اسود کے کنارے روس کی ایک آئل ریفائنری پر ڈرون حملہ کیا۔

(جاری ہے)

روسی حکام کے مطابق 127 فائر فائٹرز آگ بجھانے میں مصروف ہیں جبکہ ایئر سیفٹی کے پیش نظر سوچی ایئر پورٹ پر پروازیں معطل کردی گئی ہیں۔روسی وزارتِ دفاع کے حکام کا کہنا تھا کہ ایئر ڈیفنس یونٹس نے 93 یوکرینی ڈرون مار گرائے۔دوسری جانب یوکرین کے جنوبی شہر میخولائیو میں روسی میزائل حملے سے 7 شہریوں کے زخمی ہونے کی اطلاعت ہیں۔