ڈی پی او چارسدہ کا شہید ڈی ایس پی بہادر خان کو خراجِ عقیدت، مزار پر حاضری

اتوار 3 اگست 2025 15:40

پشاور (اُردو پوائنٹ اخبارتازہ ترین - اے پی پی۔ 03 اگست2025ء) ڈی پی او چارسدہ محمد وقاص خان نے یومِ شہداء پولیس 2025 کے سلسلے میں شہید ڈی ایس پی بہادر خان کے مزار پر حاضری دی، سلامی پیش کی اور ان کی بلندیٔ درجات کے لیے فاتحہ خوانی کی۔

(جاری ہے)

ڈی پی او چارسدہ نے شہید کے اہل خانہ سے ملاقات کی، ان کی قربانیوں کو سراہا اور اس عزم کا اظہار کیا کہ چارسدہ پولیس اپنے شہداء کو کبھی فراموش نہیں کرے گی۔

اس موقع پر ڈی ایس پی ہیڈکوارٹرز گل ولی خان اور ڈی ایس پی سٹی زرداد علی خان بھی موجود تھے، جنہوں نے بھی شہید کی قربانی کو خراجِ عقیدت پیش کیا۔ یومِ شہداء پولیس کے موقع پر چارسدہ پولیس کی جانب سے شہداء کی قربانیوں کو یاد رکھنے اور ان کی خدمات کو سراہنے کے لیے مختلف تقریبات کا انعقاد کیا جا رہا ہے۔