ثابت کریں روزانہ ایک لاکھ ڈالر کے اشتہار دے رہے ،عظمیٰ بخاری کا فواد چودھری کو چیلنج

پیر 4 اگست 2025 22:05

لاہور(اُردو پوائنٹ اخبارتازہ ترین - این این آئی۔ 04 اگست2025ء)وزیراطلاعات پنجاب عظمیٰ بخاری نے فواد چودھری کو چیلنج کر دیا۔سماجی رابطے کی سائٹ ایکس پر اپنے پیغام میں عظمیٰ بخاری نے کہا کہ اب وزیر نا سہی لیکن بات کرنے سے پہلے سوچنا اور اس کا ثبوت فراہم کرنا آپ کی ذمہ داری ہے۔

(جاری ہے)

وزیراطلاعات نے کہاکہ سوشل میڈیا پہ بے تکی غیر ذمہ داری نہیں چلے گی، آپ کو چیلنج کر رہی ہوں ثابت کریں روزانہ ایک لاکھ ڈالر کے اشتہار دے رہے ہیں۔انہوںنے کہاکہ ملک کے خلاف سازش کرنا، بدنام کرنا ملک دشمنی ہے، کارکردگی بتانا جرم نہیں۔