محسن نقوی کی ورسک روڈ پشاور کے قریب گاڑی پر فائرنگ کے واقعہ کی مذمت

بدھ 6 اگست 2025 17:16

اسلام آباد (اُردو پوائنٹ اخبارتازہ ترین - این این آئی۔ 06 اگست2025ء)وفاقی وزیرداخلہ محسن نقوی نے ورسک روڈ پشاور کے قریب گاڑی پر فائرنگ کے واقعہ کی مذمت کرتے ہوئے کہاہے کہ خیبرپختونخوا پولیس کے شہید انسپکٹر علی حسین کو سلام پیش کرتے ہیں۔

(جاری ہے)

اپنے بیان میں وزیرداخلہ محسن نقوی نے کا فائرنگ سے پولیس انسپکٹر علی حسین سمیت 3 افراد کی شہادت پر اظہار افسوس کرتے ہوئے شہید انسپکٹر علی حسین کو خراج عقیدت پیش کیا ۔وزیرداخلہ محسن نقوی نے شہداء کے لواحقین سے دلی ہمدردی و اظہار تعزیت کیا ۔ انہوںنے کہاکہ خیبرپختونخوا پولیس کے شہید انسپکٹر علی حسین کو سلام پیش کرتے ہیں۔ محسن نقوی نے کہاکہ شہداء کے خاندانوں کے دکھ میں برابر کے شریک ہیں اور سوگوار خاندانوں کے ساتھ کھڑے ہیں۔