برطانوی سائیکلسٹ بین ٹرنرنے ٹور ڈی پولونے سائیکل ریس کا تیسرا مرحلہ اپنے نام کرلیا

جمعرات 7 اگست 2025 08:30

وارسا (اُردو پوائنٹ اخبارتازہ ترین - اے پی پی۔ 07 اگست2025ء) انگلینڈ کے26 سالہ سائیکلسٹ بین ٹرنر نے ٹور ڈی پولونے سائیکل ریس 2025کا تیسرا مرحلہ جیت لیا،اس طرح انہوں نے ٹور ڈی پولونے سائیکل ریس میں پہلی فتح اپنے نام کر لی ۔ پولینڈ سے ٹورڈی پولونے سائیکل ریس کا 82 واں ایڈیشن شروع ہوچکا ہے جس میں دنیا بھر کی سائیکلنگ کی 22ٹیموں کے نامور سائیکل سوار ٹائٹل کے حصول کے لئے کوشاں ہیں۔

ریس کے تیسرے مرحلے میں سائیکل سواروں نے پولینڈ میں والبرزائچ سے والبرزائچ تک 159.3کلو میٹر کا فاصلہ طے کرنا تھاجو پہاڑی راستے پر محیط تھا۔ انگلینڈ کے سائیکلسٹ بین ٹرنر نے عمدہ سائیکلنگ کا مظاہرہ کرتے ہوئے 35 سالہ ہسپانوی سائیکل سوار پیلو بلباؤکوشکست دیتے ہوئے پہلی پوزیشن حاصل کی، 35 سالہ ہسپانوی سائیکل سوار پیلو بلباؤ ریس میں دوسرے نمبر پر رہے جبکہ 26 سالہ اٹلی کے سائیکل سوار اینڈریا بیگولی نے تیسری پوزیشن حاصل کی۔

(جاری ہے)

ریس کے ابتدائی مرحلے میں کامیابی کے ساتھ نیدرلینڈزکے سائیکلسٹ اولاو کویج نے یلو جرسی حاصل کی تھی جو فرانس کےسائیکلسٹ پال لاپیرا نے دوسرا مرحلہ جیتنے کے ساتھ اولاو کویج سے یلوجرسی چھین لی تھی جس پر تاحال ان کا قبضہ برقرار ہے ۔ یہ ریس 7 مرحلوں پر محیط ہے جس میں سائیکل سوار 1075.9کلو میٹر کا سفر طے کریں گے ، ریس 10 اگست کو اختتام پذیر ہوگی۔\932