ویلٹا اسپانیا سائیکل ریس کا 80واں ایڈیشن 23اگست سے شروع ہوگا

جمعرات 7 اگست 2025 11:51

میڈرڈ (اُردو پوائنٹ اخبارتازہ ترین - اے پی پی۔ 07 اگست2025ء) یونین سائیکلسٹ انٹرنیشنل (یو سی آئی ) کے زیر اہتمام ویلٹا اسپانیا سائیکل ریس کے 80 ویں ایڈیشن کا آغاز 23 اگست سے اٹلی، فرانس، اندورا اور سپین میں شروع ہوگا۔ ویلٹا اسپانیا سائیکل ریس کا آغاز اٹلی کے شمالی شہر ٹورین سے ہوکر دارالحکومت میڈرڈ میں اختتام پذیر ہوگی۔ویلٹا اسپانیا سائیکل ریس کے کامیاب انعقاد کے لئے تیاریاں عروج پر ہیں۔

سائیکل ریس میں دنیا کے نامور سائیکلسٹس شرکت کریں گے۔

(جاری ہے)

ویلٹا اسپانیا سائیکل ریس 21 مرحلوں پر محیط ہوگی جس میں سائیکل سوار 3151 کلو میٹر کا سفر طے کریں گے۔ ویلٹا اسپانیا سائیکل ریس میں 23 ٹیمیں ٹائٹل کے حصول کے لئے ایکشن میں نظر آئیں گی۔ ویلٹا اسپانیا سائیکل ریس 23 اگست سے شروع ہوکر 23 روز جاری رہنے کے بعد 14ستمبر کو اختتام پذیر ہوگی۔ ویلٹا اسپانیا سائیکل ریس میں ریڈ بُل بورا ہنسگروہ ٹیم کے سلووینیا کے سائیکلسٹ پرائموز روگلک اپنے اعزاز کا دفاع کریں گے۔ ٹور ڈی فرانس سائیکل ریس کا پہلا ایڈیشن پہلی مرتبہ 1903میں ہوا جو فرانسیسی سائیکل سوار مورس فرانسس گارین نے جیتا تھا۔\932