پالیسی ریٹ میں بتدریج کمی کر کے اسے سنگل ڈیجٹ تک لایا جائے، کواڈینٹر وفاقی ٹیکس محتسب

اتوار 10 اگست 2025 13:30

لاہور (اُردو پوائنٹ اخبارتازہ ترین - اے پی پی۔ 10 اگست2025ء) کواڈینٹر وفاقی ٹیکس محتسب سیف الرحمان نے کہا ہے کہ پالیسی ریٹ میں بتدریج کمی کر کے اسے سنگل ڈیجٹ تک لائے۔ اتوار کو ایک بیان میں انہوں نے کہا کہ پالیسی ریٹ کم کرنے سے بزنس، خاص طور پر چھوٹے اور درمیانے درجے کے کاروباری اداروں کو سستے قرضوں تک رسائی حاصل ہو سکے گی۔

(جاری ہے)

جس سے معاشی سرگرمیوں کو فروغ ملے گا، روزگار کے مواقع پیدا ہوں گے اور برآمدات میں اضافہ ہوگا۔

انہوں نے کہا کہ موجودہ بلند شرح سود سرمایہ کاری کے لیے موافق نہیں کیونکہ پہلے سے ہی افراط زر اور معاشی چیلنجز سے نبرد آزما صنعتوں پر زیادہ مالی بوجھ پڑتا ہے۔ انہوں نے پالیسی سازوں پر زور دیا کہ وہ مقامی صنعتوں کی ترقی اور معاشی استحکام کو فروغ دینے کے لیے کاروبار دوست مالیاتی پالیسیاں متعارف کروائیں۔