چین میں چکن گونیاکا پھیلا ئوخطرناک حد تک بڑھ گیا، 8ہزار کیسز رپورٹ

چینی حکام نے سخت اقدامات شروع کردیے، متاثرہ علاقوں میں مچھر مار اسپرے کااستعمال

اتوار 10 اگست 2025 15:40

بیجنگ(اُردو پوائنٹ اخبارتازہ ترین - این این آئی۔ 10 اگست2025ء)چین کے جنوبی صوبے گوانگ ڈونگ میں چکن گونیا کا مرض تیزی سے پھیلنے لگا۔مقامی حکام کے مطابق صرف ایک ماہ کے دوران 8 ہزار سے زائد کیسز رپورٹ ہو چکے ہیں۔چینی حکام نے مرض کا پھیلا روکنے کے لیے سخت اقدامات لینے شروع کردیے، متاثرہ علاقوں میں مچھر مارنے کے لیے ڈرونز سے اسپرے کیا جارہا ہے۔

(جاری ہے)

حکام نے کھلے مقامات سے ایسے برتن ہٹانیکا حکم دیا جن میں موجود پانی مچھروں کی افزائش کا باعث بن سکتا ہو۔صحت کے حکام نے شہریوں کو مشورہ دیا کہ وہ مچھروں سے بچا ئوکی احتیاطی تدابیر اختیار کریں اور کسی بھی مشتبہ علامت کی صورت میں فوری طور پر قریبی اسپتال سے رجوع کریں۔ماہرین صحت کے مطابق چکن گونیا عام طور پر ایشیا، افریقا اور جنوبی امریکا میں وقتا فوقتا پھیلتا رہتا ہے تاہم یہ پہلا موقع ہے کہ چین میں چکن گونیا انتہائی تیزی سے پھیل رہا ہے۔