سعودی ولی عہد اورفلسطینی صدرکا ٹیلی فونک رابطہ ، آئندہ امن کانفرنس پر تبادلہ خیال

منگل 12 اگست 2025 16:45

ریاض(اُردو پوائنٹ اخبارتازہ ترین - این این آئی۔ 12 اگست2025ء)سعودی ولی عہد شہزادہ محمد بن سلمان سے فلسطینی صدر محمود عباس نے ٹیلی فون پر رابطہ کیا ہے۔عرب ٹی وی کے مطابق فلسطینی کاز، فلسطینیوں کو درپیش حالیہ صورتحال اور جاری رکاوٹوں پر بات چیت کی گئی۔

(جاری ہے)

غزہ کی پٹی کی صورتحال، اس کے سکیورٹی اور انسانی اثرات پر بھی بات چیت کی گئی۔سعودی ولی عہد نے فلسطینی عوام کے خلاف کئے جانے والے جرائم کی مذمت کا اعادہ کیا۔بین الاقوامی برادری پر انسانی بحران سے نمٹنے اور شہریوں کے تحفظ کی ضرورت پر زور دیا۔ صدر محمود عباس نے شاہ سلمان اور ولی عہد کی ان کوششوں کو سراہا جس کی وجہ سے متعدد ملکوں نے فلسطینی ریاست کو تسلیم کرنے کا وعدہ کیا۔