گرجا گھروں کی سیکیورٹی کے لیے سخت اور مؤثر انتظامات ،راولپنڈی پولیس کے 450 سے زائد پولیس افسران و اہلکار سکیورٹی ڈیوٹی پر تعینات

اتوار 10 اگست 2025 16:20

راولپنڈی (اُردو پوائنٹ اخبارتازہ ترین - اے پی پی۔ 10 اگست2025ء) راولپنڈی پولیس کی جانب سے گرجا گھروں کی سیکیورٹی کے لیے سخت اور مؤثر انتظامات کیے گئے۔

(جاری ہے)

ترجمان پولیس کے مطابق گرجا گھروں کی سکیورٹی کو یقینی بنانے کے لیے راولپنڈی پولیس کے 450 سے زائد پولیس افسران و اہلکار سکیورٹی ڈیوٹی پر تعینات ہیں جبکہ سینئر افسران موقع پر موجود رہ کر اہلکاروں کو چیک اور بریف کر رہے ہیں۔

تھانوں کی موبائل ٹیمیں، ایلیٹ فورس اور ڈولفن فورس کے خصوصی اسکواڈز گرجا گھروں کے اطراف اور اہم مقامات پر مسلسل گشت کر رہے ہیں تاکہ کسی بھی ناخوشگوار واقعے سے بروقت نمٹا جا سکے۔ سی پی او سید خالد ہمدانی نے کہا کہ شہریوں کی جان و مال کا تحفظ پولیس کی اولین ذمہ داری ہے اور اس مقصد کے لیے تمام وسائل بروئے کار لائے جا رہے ہیں۔