امریکا کے سائیکلسٹ برینڈن میکنلٹی نے پہلی مرتبہ ٹور ڈی پولونے سائیکل ریس جیت لی

پیر 11 اگست 2025 10:50

وارسا (اُردو پوائنٹ اخبارتازہ ترین - اے پی پی۔ 11 اگست2025ء) امریکا کے 27 سالہ سائیکلسٹ برینڈن میکنلٹی نے ٹوور ڈی پولو سائیکل ریس 2025کا ایڈیشن جیت لیا۔ ٹیم یو اے ای ٹیم ایمریٹس ایکس آر جی کے 27 سالہ امریکی سائیکلسٹ برینڈن میکنلٹی نے پہلی مرتبہ ٹوور ڈی پولو نےسائیکل ریس جیتی ہے۔ ٹیم بحرین وکٹوریوس کے 24 سالہ اطالوی سائیکلسٹ انتونیو تبری نے ریس میں دوسری جبکہ ٹیم ریڈ بل بورا ہانسگروہ کے 28 سالہ اٹلی کے سائیکل سوار میٹیو سوبریرو نے تیسری پوزیشن حاصل کی۔

پولینڈ میں ٹوورڈی پولو نے سائیکل ریس کا 82 واں ایڈیشن جاری ہے جس میں دنیا بھر سے 22ٹیموں کے نامور سائیکل سوار ٹائٹل کے حصول کے لئے کوشاں تھے ۔ ٹوور ڈی پولونے سائیکل ریس کے ساتویں اور آخری مرحلے میں سائیکل سواروں نے پولینڈ میں ویلیکزکا سے ویلیکزکا تک 12.5 کلو میٹر کا فاصلہ طے کرنا تھا۔

(جاری ہے)

امریکا کے 27 سالہ سائیکلسٹ برینڈن میکنلٹی نے عمدہ سائیکلنگ کا مظاہرہ کرتے ہوئے پہلی پوزیشن حاصل کی۔

برینڈن میکنلٹی نے ساتویں مرحلے کا 12.5 کلومیٹر پر مشتمل مطلوبہ فاصلہ 14منٹ اور31سیکنڈز میں طے کرکے نہ صرف ساتواں مرحلہ اپنے نام کیا بلکہ مجموعی برتری بھی حاصل کرتے ہوئے ٹوور ڈی پولو سائیکل ریس 2025کا ٹائٹل بھی جیت لیا۔روس کے ساتویں اور آخری مرحلے میں اٹلی کے سائیکلسٹ لورینزو میلیسی دوسرے جبکہ اٹلی کے ہی سائیکل سوار میٹیو سوبریرو تیسرے نمبر پر رہے۔ ٹیم یو اے ای ٹیم ایمریٹس ایکس آر جی کے 27 سالہ امریکی سائیکلسٹ برینڈن میکنلٹی نے کہا ہے کہ وہ ٹور ڈی پولونے سائیکل ریس 2025کا ایڈیشن جیتنے پر بہت خوش ہیں اور مستقبل میں بھی اپنی عمدہ کارکردگی کے تسلسل کو برقرار رکھتے ہوئے مزید فتوحات حاصل کریں گے۔\932