مانسہرہ میں چہلم حضرت امام حسینؓ کے حوالے سے سکیورٹی کو مزید موثر بنانے کے لئے سرچ اینڈ سٹرائیک آپریشنز

پیر 11 اگست 2025 11:31

ایبٹ آباد (اُردو پوائنٹ اخبارتازہ ترین - اے پی پی۔ 11 اگست2025ء) مانسہرہ کے تمام تھانوں کی حدود میں چہلم حضرت امام حسینؓ کے حوالے سے سکیورٹی کو مزید موثر بنانے کے لئے وسیع پیمانے پر سرچ اینڈ سٹرائیک آپریشنز کا انعقاد کیا۔

(جاری ہے)

مانسہرہ پولیس کے مطابق تمام ڈویژنز میں امن و امان کی فضا کو برقرار رکھنے کے لئے آپریشنز کی نگرانی ایس پیز نے کی جبکہ ایس ڈی پی اوز اور ایس ایچ اوز نے لیڈیز پولیس اور دیگر نفری کے ہمراہ اپنے اپنے علاقوں میں ہونے والے آپریشنز میں بھرپور حصہ لیا۔

سرچ آپریشنز کے دوران غیر قانونی اسلحہ برآمد کیا گیا جبکہ متعدد مشتبہ افراد کو تفتیش کے لئے تھانوں میں طلب کیا گیا۔ پولیس کی جانب سے غیر قانونی طور پر رہائش پذیر کرایہ داروں کے خلاف بھی قانونی کارروائیاں کی گئیں۔