بابر اعظم تینوں فارمیٹس کی آٹومیٹک چوائس ہیں : معین خان

سینئر بیٹر اور سابق قومی کپتان کو کسی کا متبادل بنانا حیرت انگیز ہے : سابق وکٹ کیپر بیٹر

ذیشان مہتاب پیر 11 اگست 2025 11:18

بابر اعظم تینوں فارمیٹس کی آٹومیٹک چوائس ہیں : معین خان

کراچی (اردو پوائنٹ تازہ ترین اخبار ۔ 10 اگست 2025ء ) سابق ٹیسٹ کپتان معین خان نے کہا ہے کہ سینئر بیٹر اور سابق قومی کپتان بابر اعظم کو کسی کا متبادل بنانا حیرت انگیز ہے، بابر اعظم تینوں فارمیٹ کے خود بخود چوائس ہیں۔

معین خان اکیڈمی میں میڈیا سے گفتگو کرتے ہوئے 53 سالہ سابق ٹیسٹ کپتان نے کہا کہ انٹرنیشنل کرکٹر حیدر علی کے خلاف انگلینڈ میں تحقیقات چل رہی ہے، تحقیقات کے دوران حیدر علی کے حوالے سے بات نہیں کرنا چاہتے۔

(جاری ہے)

انہوں نے کہا کہ ویسٹ انڈیز کے خلاف ٹونٹی سیریز اور پہلے ون ڈے میں قومی ٹیم کی کارکردگی بہترہے۔ انٹرنیشنل میچ میں آسانیاں اور مشکلات سمیت ہرقسم کے حالات کا سامنا رہتا ہے، قومی ٹیم بنگلادیش کے خلاف امیدوں کے مطابق کارکردگی نہیں دکھا سکی۔

معین خان نے کہا کہ ان کے بیٹے کرکٹر اعظم خان کے حوالے سے وائرل ہونے والی تصویر کا حقیقت سے کوئی تعلق نہیں۔

سابق کپتان نے سندھ حکومت کے 14 روز تک معرکہ حق و جشن آزادی منانے خوش آئند اقدام قرار دیا۔