14اگست کومینارپاکستان پرجلسہ، ڈپٹی کمشنر لاہور کوقانون کے مطابق فیصلے کی ہدایت

پیر 11 اگست 2025 15:28

لاہور (اُردو پوائنٹ اخبارتازہ ترین - این این آئی۔ 11 اگست2025ء)لاہور ہائیکورٹ نے تحریک انصاف کی جانب سے 14اگست کوجلسے کی اجازت کی درخواست پر ڈپٹی کمشنر لاہور کوقانون کے مطابق فیصلے کی ہدایت کردی۔

(جاری ہے)

جسٹس خالد اسحاق نے پی ٹی آئی کارکن اکمل خان کی درخواست پر سماعت کی، جس میں پنجاب حکومت کی جانب سے اسسٹنٹ ایڈووکیٹ جنرل محمد فرخ خان لودھی پیش ہوئے جبکہ درخواست گزار کی وکالت سردار خرم لطیف کھوسہ ایڈووکیٹ نے کی۔

سماعت کے دوران جسٹس خالد اسحاق نے استفسار کیا کہ جلسہ کب ہی ۔سردار خرم لطیف کھوسہ ایڈووکیٹ نے جواب دیا کہ یہ جلسہ نہیں بلکہ ورکرز کنونشن ہے جو 14اگست کو ہوگا۔عدالت نے ریمارکس دیئے کہ معاملہ ڈپٹی کمشنر کو بھیج دیتے ہیں اور انہیں ہدایت کرتے ہیں کہ وہ آج (منگل ) صبح 11بجے تک فیصلہ کر دیں۔ اس پر وکیل درخواست گزار نے عدالت کے فیصلے سے اتفاق کیا۔